އިންޓަރނެޓުގެ ޢިލްމީ ވަސީލަތްތަކަށް އަހުލުވެރިކުރުވުމަށް އައި.ޔޫ.އެމް. ގެ ފަރާތުން މާދަމާ ސެޝަނެއް ބާއްވަނީ

ދިވެހިރާއްޖޭގެ އިސްލާމީ ޔުނިވަރސިޓީ (އަިއ.ޔޫ.އެމް.) ގެ ފަރާތުން ކުރިއަށްގެންދާ "އޮންލައިން އިންފޮރމޭޝަން ލިޓްރަސީ ސީރީޒް" ގެ ދަށުން "ލައިބްރަރީ އޮންލައިން ރިސޯސަޒް"ގެ ނަމުގައި މާދަމާ ސެޝަނެއް ބޭއްވުމަށް ތައްޔާރުވެއްޖެއެވެ. މިސެޝަންގެ މަޤުޞަދަކީ އެބްސްކޯ ފަދަ އެކި ވެބްސައިޓްތައް މެދުވެރިކޮށް ރިސަރޗް ޕޭޕަރުތައް ހޯދުމާއި، ދިރާސާތަކަށް ބޭނުންވާ މުހިންމު މަޢުލޫމާތު އެއްކުރުމާއި، އެމަޢުލޫމާތު އެންމެ ފުރިހަމަ ގޮތުގައި ބޭނުންކުރުމާއި، މަޢުލޫމާތުތައް ތަރުޖަމާކުރުމަށް އަހުލުވެރިކުރުވުމެވެ.

މާދަމާ (01 ސެޕްޓެމްބަރ 2025 ވާ ހޯމަ ދުވަހު) 16:30 އިން 17:30 އަށް ކުރިއަށްގެންދިޔުމަށް ހަމަޖެހިފައިވާ މި އޮންލައިން ސެޝަން ފެސިލިޓޭޓް ކޮށްދެއްވާނީ އައި.ޔޫ.އެމް. ލައިބްރަރީގެ ޗީފް ލައިބްރޭރިއަން، ފާޓިމަތު ނަޝަތެވެ. ސެޝަންގައި ބައިވެރިވުމަށް ޝައުގުވެރިވާ ފަރާތްތަކުން، ތިރީގައިވާ ލިންކު މެދުވެރިވެ ރަޖިސްްޓްރީވެވޭނެއެވެ. ނުވަތަ ފޮޓޯގައިވާ ކިޔު.އާރް. ކޯޑު ސްކޭން ކުރެވިދާނެއެވެ.

https://forms.gle/9k7oYhXbt2zSPpZZ8

The first session of the Online Information Literacy Series on 1 Sept 2025 (16:15–17:30, Google Meet) will cover IUM Library’s online resources, OPAC, eBooks & tools. Register: https://t.co/iqPTYcqGXy. Facilitator: Ms. Fathmath Nashath. pic.twitter.com/mV3dpWLOqH

— Islamic University of Maldives (@official_ium) August 31, 2025