ޚަބަރު
3 ކެފޭއެއް ބަލައި ފާސްކޮށް، ޤަވާއިދާ ޚިލާފަށް މަސައްކަތް ކުރަމުންދިޔަ 5 ބިދޭސީއެއް އިމިގްރޭޝަންގެ ބެލުމުގެ ދަށަށް
އިމިގްރޭޝަނުުން ކުރިއަށްގެންދާ އޮޕަރޭޝަންގެ ތެރެއިން- ފޮޓޯ: އިމިގްރޭޝަން
ފަރުދުން
27 އޮކްޓޯބަރު 2024، 05:21
27 އޮކްޓޯބަރު 2024، 05:21
މާލޭގެ 03 ކެފޭއެއް ބަލައި ފާސްކޮށް، މިތަނުން ބައެއް ކެފޭތަކުގައި ޤަވާއިދާ ޚިލާފަށް މަސައްކަތް ކުރަމުންދިއަަ 05 ބިދޭސީއެއް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
އިމިގްރޭޝަނުން ވިދާޅުވީ މާލޭގައި އިއްޔެ ކުރިއަށް ގެންދެވުނު ރެއިޑު އޮޕަރޭޝަންގައި 05 ބިދޭސީއެއް އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ. އިމިގްރޭޝަނުން މި އޮޕަރޭޝަން މާލޭ ސަރަހައްދާއި އަތޮޅުތެރޭގައިވެސް ކުރިއަށްގެންދެއެވެ.
އެގޮތުން އިއްޔެ 36 ބިދޭސީއަކު ކ.ގުރައިދޫން ހައްޔަރުކޮށްފައިވާކަމަށް އިމިގްރޭޝަނުން ވަނީ އިޢުލާނު ކޮށްފައެވެ.
ރާއްޖޭގައި ޤަވާޢިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް އިމިގްރޭޝަނާއި ފުލުހުން އަދި ދާޚިލީ ވުޒާރާ އާއި ކަމާ ގުޅޭ އެހެން މުވައްސަސާ ތަކުން ދަނީ މަސައްކަތް ތަކެއް ކުރަމުންނެވެ. އެގޮތުން ޤަވާޢިދާ ޚިލާފަށް ބިދޭސީން ކުރަމުންދާ ވިޔަފާރިތައް ހުއްޓުވައިފައިވެއެވެ. އިމިގްރޭޝަނުން ބުނެފައިވަނީ 17 ނޮވެމްބަރު 2023ން ފެށިގެން 17 ސެޕްޓެމްބަރު 2024 އާއި ހަމައަށް ޤަވާޢިދާ ޚިލާފުވެގެން 4054 ބިދޭސީން ޑީޕޯޓް ކޮށްލެވިފައިވާ ކަމަށެވެ.
