އެމްއޭސީއެލްގެ ބޯޑުން އިބްރާހިމް ނޫރައްދީން ވަކިކޮށްފި

މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ ޑިރެކްޓަރުންގެ ބޯޑުން އިބްރާހިމް ނޫރައްދީން ވަކިކޮށްފިއެވެ.

އެމްއޭސީއެލްގެ ބޯޑުން އޭނާ ވަކިކޮށްފައިވާކަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން އަންގާފައިވަނީ މިދިޔަ ބުރާސްފަތި ދުވަހުއެވެ. ނޫރައްދީން އެ މަގާމުން ވަކިކުރުމުން މިހާރު ބޯޑުގައި ތިއްބެވީ ފަސް ބޭފުޅުންނެވެ.

އިބްރާހީމް ނޫރައްދީންއަކީ ކުރީގެ ރައީސް މުޙައްމަދު ނަޝީދުގެ ވެރިކަމުގައި އެމްއޭސީއެލްގެ ޗެއާމަންކަން ވެސް ކުރައްވާފައިވާ ބޭފުޅެކެވެ. 

އެމްއޭސީއެލްގެ ޗެއާމަންގެ މަގާމުން ހުންނެވި މުހައްމަދު އުމަރު މަނިކު (އެމްޔޫ މަނިކު) މިދިޔަ ފެބްރުއަރީ މަހު ވަނީ ބަލި ހާލަތު ހުރި ގޮތުން މަގާމުގެ މަސްއޫލިއްޔަތު އަދާކުރައްވަން ދަތިތަކެއް ކުރިމަތިވާ ކަމަށް ވިދާޅުވެ އިސްތިއުފާ ދެއްވައިފަ އެވެ.