އިސްލާމީ ކަންތައްތަކާބެހޭ ވަޒީރުގެ ޙާއްޞަ ތަފްސީރު ކުލާސް ކޮންމެ ހުކުރު ދުވަހެއްގައި!

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދުގެ ޙާއްޞަ ތަފްސީރު ކުލާހެއް ފެށުމަށް ނިންމަވައިފިއެވެ.

އިސްލާމީ ކަންތައްތަކާބެހޭ ވުޒާރާއިން ބުނެފައިވަނީ ވަޒީރު ޑރ. މުޙައްމަދު ޝަހީމް ޢަލީ ސަޢީދުގެ ޙާއްޞަ ތަފްސީރު ކުލާހެއް ކޮންމެ ހުކުރު ދުވަހެއްގެ މަޣްރިބް ނަމާދަށްފަހު ހުޅުމާލޭ މަސްޖިދު ރަޝީދުގައި ބޭއްވުމަށް ނިންމާފައިވާކަމަށެވެ. ހުކުރު ދުވަސްތަކުގައި ކުރިއަށްދާ މި ކުލާހުގައި އަލިއަޅުވާލާނީ ކަހްފު ސޫރަތުގެ ތަފްސީރަށް ކަމަށް އެ ވުޒާރާއިން ބުނެފައިވެއެވެ. 

ހުޅުމާލޭގައި ތަފްސީރު ކްލާސްތަށް ފެށުމަށް ތައްޔާރުވަމުންދާއިރު މިހާރުވެސް އިސްލާމީ މަރުކަޒުގައިވެސް ކޮންމެ ހަފްތާއަކުވެސް ތަފްސީރު ކުލާސްތައް ކުރިއަށް ގެންދެއެވެ. މީގެ އިތުރުން ހުކުރު ދުވަހު މަޣްރިބް ނަމާދަށްފަހު ސިލްސިލާކޮށް ދަރުސް ދިނުމުގެ ޕްރޮގްރާމެއްވެސް ކުރިއަށް ގެންދެއެވެ. 

އާންމުންގެ މެދުގައި ދީނީ ހޭލުންންތެރިކަން އިތުރުކުރުމަށް އިސްލާމީ ކަންތައްތަކާ ބެހޭ ވުޒާރާއިން އަންނަނީ ގިނަ މަސައްކަތްތަކެއް ކުރަމުންނެވެ.