އިންޖިނިއަރުންގެ ދުވަހާއި ގުޅިގެން ބާއްވާ ކުޑަކުދިންގެ ހަވީރުގައި ސްޓެލްކޯގެ ޚާއްޞަ ހަރަކާތްތަކެއް

އިންޖިނިއަރުންގެ ދުވަހާއި ގުޅިގެން ބޭއްވި ކުޑަކުދިންގެ ހަވީރުގައި ސްޓެލްކޯގެ ޚާއްޞަ ހަރަކާތްތަކެއް ކުރިއަށް ގެންދަން ނިންމައިފިއެވެ. 

ސްޓެލްކޯއިން  ވިދާޅުވީ މިއަދު ކުރިއަށްދާ ކުޑަކުދިންގެ ހަވީރުގައި ސްޓެލްކޯގެ އެކި ހަރަކާތްތައް ފެނިގެންދާނެ ކަމަށެވެ. އިމާރާތްކުރުމާއި ބިނާރާ ބެހޭ ވުޒާރާއިން މިއަހަރުގެ އިންޖިނިއަރުންގެ ދުވަހާއި ގުޅިގެން ކުރިއަށް ގެންދާ މި ހަވީރުގައި ސަރުކާރުގެ އެކި އެކި ކުންފުނިތަކުން ބައިވެރިވެފައި ވެއެވެ. 

އުސްފަސްގަނޑުގައި މިއަދުގެ ހަވީރު 4:00ން 6:00 އަށް ކުރިއަށްދާ މި ހަވީރުގައި ތަފާތު ކުޅިވަރުތަކާއި ހަރަކާތްތަށް ފެނިގެން ދާނެއެވެ. 

Come join us for a Kudakudhinge Haveeru to celebrate National Engineers Day 2025, organized by @MoCImv
12th September 2025
16:00 – 18:00 hrs
📍 Usfasgandu pic.twitter.com/BlWTZnq6v6

— STELCO (@STELCOMALDIVES) September 11, 2025

ސްޓެލްކޯއިން ވަނީ ނިމިދިޔަ މިނިވަން ދުވަހުގެ މުނާސަބަތުގައިވެސް ގިނަ ބައެއްގެ ސަމާލުކަން ލިބިގެންދިޔަ ފުޅަނދެއް ދައްކާލާފައެވެ. މިއަދުގެ ކުޑަކުދިންގެ ހަވީރުގައިވެސް މިފަދަ ތަފާތު ހަރަކާތް ފެނިގެން ދާނެއެވެ. އިންޖިނިއަރުންގެ ދުވަސް 2025އާއި ގުޅިގެން ބާއްވާ މި ހަވީރުގައި ބައިވެރިވުމަށް އިމާރާތް ކުރުމާއި ބިނާރާ ބެހޭ ވުޒާރާއިން ހުރިހާ ކުޑަކުދިންނަށް ވަނީ ދަޢުވަތު އަރުވާފައެވެ. 

Inviting all Children.
Join us tomorrow at Usfasgandu from 4PM – 6PM for an exciting evening of games and activities as part of National Engineers’ Day celebrations. #MvEngineersDay pic.twitter.com/e9X4OfS7Qz

— Ministry of Construction, Housing & Infrastructure (@MoCImv) September 11, 2025