އާ ސަހަރާގެ ވަށާފާރު ބާވެ، އެ ފާރު ތަޅާލަނީ

އާ ސަހަރާ ވަށަފާރު ބާވެ، ވެއްޓެން ގާތްވެފައި ވުމުން އެ ފާރު ތަޅާލުމުގެ މަސައްކަތް  އަންނަ  މާލެ ސިޓީ ކައުންސިލުން ފަށައިފިއެވެ. 

މާލޭ ސިޓީ ކައުންސިލުން އެކްސްގައި ކޮށްފައިވާ ޕޯސްޓެއްގައި ވަނީ، އާސަހާރާގެ ވެއްޓެން ކައިރިވެފައި ހުރި ވަށާ ފާރު ނަގާ ސަހަރާ ރީތިކޮށް ހުޅުވިފައި އޮންނަ ހިތްފަސޭހަ ސާފުތާހިރު ތަނަކަށް ހެދުމުގެ މަސައްކަތް ކުރިއަށްދާކަމަށެވެ. 

<blockquote class="twitter-tweet"><p lang="dv" dir="rtl">އާސަހާރާގެ ވެއްޓެން ކައިރިފައި ހުރި ވަށާ ފާރު ނަގާ ސަހަރާ ރީތިކޮށް ހުޅުވިފައި އޮންނަ ހިތްފަސޭހަ ސާފުތާހިރު ތަނަކަށް ހެދުމުގެ މަސައްކަތް ކުރިއަށް ދަނީ <a href="https://t.co/OX7iBTHLW7">pic.twitter.com/OX7iBTHLW7</a></p>&mdash; Malé City Council (@MaleCitymv) <a href="https://twitter.com/MaleCitymv/status/1850936531395174869?ref_src=twsrc%5Etfw">October 28, 2024</a></blockquote> <script async src="https://platform.twitter.com/widgets.js" charset="utf-8"></script>

އާ ސަހަރާގެ ވަށާފާރު ވަނީ ބާވެ ތަންތަނުން ވަަރަށް ބޮޑަށް ރެނދުލާފައެވެ. 

މަރާމަތަށް  ބަންދުކުރުމަށްފަހު މާލޭގެ އާސަހަރާ މިސްކިތާއި ހިނަވާގެ އަލުން ހުޅުވާފައި ވަނީވެސް މިމަހުގެ ތެރޭގައެވެ. 

ހިނަވާގެ އަލުން ހުޅުވިގެންދިޔައިރު އެތަނުގައި ހިނަވާ ކޮޓަރި އިތުރުކޮށް މައްޔިތާއަށް ޒިޔާރަތްކުރާ މީހުން މަޑުކޮށްލައިގެން ތިބުމަށްވެސް އޭސީކޮށްފައިވާ ޚާއްސަ ސަރަޙައްދެއް ހަދާފައިވެއެވެ. އަދި އަންހެނުންނަށް ނަމާދުކުރެވޭނެ އިންތިޒާމް އިމާރާތުގެ ދެ ފަންގިފިލާގައިވެސް ޤާއިމުކޮށްފައިވެއެވެ.

މަރާމާތަށްފަހު ހުޅުވިގެންދިޔަ އާސަހަރާ މިސްކިތުގެ ޖާގަ ދެގުނަ ބޮޑުކޮށް، ދެ ފަންގިފިލާ އޭސީކޮށް ނާމާދުކުރެވޭގޮތަށް ވަނީ ހަދާފައެވެ. ޚާއްސަ އެހީއަށް ބޭނުންވާ މީހުންގެ ޚާއްސަ ފާހާނާއާއި އާންމުންނަށް ޚާއްސަ ފާހާނާ ހުންނާނެއެވެ. އަދި ކުރިން ދެ ކޮޓަރިހުރިނަމަވެސް، މައްޔިތާ ހިނެވުމަށް ޚާއްސަ 3 ކޮޓަރި ވަނީ ތައްޔާރު ކުރެވިފައެވެ. ހިނަވާ ގޭގައި ތަނުގެ މުވައްޒަފުންނާއި ޖަމާތްތެރިންނަށް ތިބެވޭނެ ކޮޓަރިއެއް ވަނީ ހަދާފައެވެ.

އާސަހަރާގެ ވަށާފާރު ތަޅާލާ ޒަމާނީ ފެންވަރަށް ތަރައްޤީ ކުރުމުން އެތަނުގެ ރީތިކަން އިތުރަށް ފުރިހަމަ ވެގެންދާނެއެވެ.