މަސްވެރިންގެ ޤައުމީ ދަފްތަރުގައި 300 އަށްވުރެ ގިނަ އުޅަނދު ރަޖިސްޓްރީކޮށްފި

މިހާތަނަށް މަސްވެރިންގެ ޤައުމީ ދަފްތަރުގައި 300 އަށްވުރެ ގިނަ އުޅަނދު ރަޖިސްޓްރީކޮށްފައިވާކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ވިދާޅުވެއްޖެއެވެ.

މަސްވެރިން ރަޖިސްޓަރ ވުމަށް އެކުލަވައިލައިފައިވާ މި ދަފުތަރަކީ މަސްވެރިންނަކީ ދައުލަތުން ދަންނަ ބަޔަކަށް ހެދުމުގެ މަޤްޞަދުގައި އެކުލަވާލާ ދަފުތަރެކެވެ. މަސްވެރިންގެ ޤައުމީ ދަފްތަރެއް އެކުލަވާ ލުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވައުދުފުޅެކެވެ. އެގޮތުން މި ވަޢުދުފުޅާ އެއްގޮތަށް އެކުލަވައިލެވުނު މަސްވެރިންގެ ޤައުމީ ދަފްތަރުގައި މަސްވެރިކަންކުރާ ހުރިހާ އުޅަނދެއް ރަޖިސްޓްރީ ކުރުމަކީ މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ އަމާޒެކެވެ.

މަސްވެރިންގެ ޤުއުމީ ދަފްތަރެއް އެކުލަވާލުމުގެ ނަތީޖާ އަކަށް ވެގެން ދާނީ މަސްވެރިންނަށް މާލީ ވަސީލަތްތަކުގެ ފައިދާ ލިބިގަތުމަށް ހުރި ހުރަސްތައް ނައްތާލައި، މަސްވެރިކަމަކީ ވެސް ރާއްޖޭގައި ރަސްމީކޮށް ބަލައިގަންނަ ވަޒީފާއަކަށް ވުމެވެ. 

މިއީ ޤައުމީ ފެންވަރުގައިި މަސްވެރިންގެ ދަފުތަރެއް އެކުލަވާލެވޭ ފުރަތަމަ ފަހަރެވެ. އެކަމަށް ތައްޔާރުކޮށްފައިވާ އޮންލައިން ޕްލެޓްފޯމުގައި ރަޖިސްޓަރީވުމަށް ވަނީ ހުޅުވާލާފައިވަނީ ހުޅުވާލާފައެވެ. މި ދަފްތަރުގައި ރަޖިސްޓްރީ ވުމަށް "ކެޔޮޅު" އެޕްލިކޭޝަންް ޚިޔާރުކުރެވޭނެއެވެ.