ދުނިޔޭގެ ކުރިއަރާފައިވާ ޤައުމުތަކުންވެސް މިނިވަން މުއައްސަސާތަކުގެ ވެރިން އައްޔަނު ކުރައްވަނީ ރައީސުލްޖުމްހޫރިއްޔާ- އުސްތާޛް އިސްމާޢީލް ހަބީބް

ދުނިޔޭގެ ކުރިއަރާފައިވާ ޤައުމުތަކުންވެސް މިނިވަން މުއައްސަސާތަކުގެ ވެރިން އައްޔަނު ކުރައްވަނީ ރައީސުލްޖުމްހޫރިއްޔާ ކަމަށް އެޗް.އާރު.ސީ.އެމްގެ މެމްބަރު އަދި އިލެކްޝަންސް ކޮމިޝަނުގެ ކުރީގެ ވައިސް ޗެއާޕާސަން އަލްއުސްތާޛް އިސްމާޢީލް ހަބީބް ވިދާޅުވެއްޖެއެވެ. 

އުސްތާޛް އިސްމާޢީލް ހަބީބް މިހެން ވިދާޅުވީ އިލެކްޝަންސް ކޮމިޝަންއާއި (އީސީ) އެންޓި ކަރަޕްޝަން ކޮމިޝަން (އޭސީސީ)ގެ ރައީސްއާއި ނައިބު ރައީސްވެސް ރައީސުލްޖުމްހޫރިއްޔާއަށް އައްޔަނުކުރެވޭ ގޮތަށް އިލެކްޝަންސް ކޮމިޝަންގެ ޤާނޫނާއި އެންޓި ކޮރަޕްޝަން ކޮމިޝަންގެ ޤާނޫނަށް އިސްލާހު ގެންނަން ދެ ބިލު ރައްޔިތުންގެ މަޖީލިހަށް ހުށަހެޅުމާއި ގުޅިގެންނެވެ. 

އެކްސްގައި ކުރެއްވި ޕޯސްޓެއްގައި އިސްމާޢީލް ހަބީބް ވިދާޅުވީ، އީސީ، އޭސީސީގެ ރައީސާއި ނާއިބު ރައީސް، ރައީސުލް ޖުމްހޫރިއްޔާ ޢައްޔަނު ކުރައްވާގޮތަށް މިހާރު މަޖިލީހަށް ހުށަހަޅުއްވާފައިވާ އިސްލާޙަކީ މިނިވަން މުއައްސަސާތަކުން 2023 ގައި ރައީސުލް ޖުމްހޫރިއްޔާގެ އަރިހަށާއި، އެޓަރނީ ޖެނެރަލް ގެ އިތުރުން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީއަށް، އޭސީސީ، އީސީ، އެޗްއާރުސީއެމް އަދި ސީއެއްސީގެ މެންބަރުން ހުށަހެޅި ޕޭޕަރުގައި ހިމެނިފައިވާ ކަމެއް ކަމުގައެވެ. އަދި އެއީ ދުނިޔޭގެ ކުރިއަރާފައިވާ އެމެރިކާ ފަދަ ޤައުމުތަކުންވެސް އެކަން ކުރަމުން އަންނަގޮތް ކަމަށް އޭނާވިދާޅުވިއެވެ. 

އީސީ، އޭސީސީގެ ރައީސާއި ނާއިބު ރައީސް، ރައީސުލް ޖުމްހޫރިއްޔާ ޢައްޔަނު ކުރައްވާގޮތަށް މިހާރު މަޖިލީހަށް ހުށަހަޅުއްވާފައިވާ އިސްލާޙަކީ މިނިވަން މުއައްސަސާތަކުން 2023 ގައި ރައީސުލް ޖުމްހޫރިއްޔާގެ އަރިހަށާއި، އެޓަރނީ ޖެނެރަލް ގެ އިތުރުން ރައްޔިތުންގެ މަޖިލީހުގެ މިނިވަން…

— Ismail Habeeb (@IsmailHabeeb) October 29, 2024

އެ ދެ ކޮމިޝަނުގެ ރައީސާއި ނައިބު ރައީސް އައްޔަން ކުރުމުގެ މާއްދާ އަށް ހުށަހަޅާފައިވާ އިސްލާހާއެކު ކޮމިޝަންގެ މެމްބަރުންގެ ތެރެއިން ކޮމިޝަނުގެ ރައީސަކާއި ނައިބު ރައީސް  އައްޔަން ކުރައްވާނީ ރައީސުލްޖުމްހޫރިއްޔާއެވެ. މިއީ މުސްތަގިއްލު ކޮމިޝަންތަކުގެ ހިންގުން ހަރުދަނާކޮށް، އެ ކޮމިޝަންތަކުގެ ރައީސާއި ނައިބު ރައީސްގެ މަގާމަށް މެމްބަރުން އައްޔަން ކުރުމުގެ އުސޫލު އެއްހަމަކުރުމުގެ ގޮތުން ހުށަހެޅި އިސްލާހެކެވެ.