އައްޑޫ ކަރަންޓު މައްސަލަ ހައްލުކުރުމަށް އަނެއްކާވެސް 1.8 މެގަ ވޮޓުގެ އައު ދެ ޖެނެރޭޓަރު ފޮނުވައިފި

އައްޑޫ ކަރަންޓު މައްސަލަ ހައްލުކުރުމަށް އަނެއްކާވެސް 1.8 މެގަ ވޮޓުގެ އައު ދެ ޖެނެރޭޓަރު އެ ސިޓީއަށް ފޮނުވައިފިއެވެ. 

ފެނަކަ ކޯޕަރޭޝަނުން ވިދާޅުވީ، އައްޑޫ ސިޓީއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް ކުރާ މަސައްކަތުގެ ތެރެއިން 1.8 މެގަ ވޮޓުގެ އައު ދެ ޖެނެރޭޓަރު ގެނެސްފައިވާކަމަށެވެ. އަދި މި ދެ ޖެނެރޭޓަރ އެސިޓީއަށް ގެންދިއުމަށްޓަކައި މިހާރު ލޯޑު ކުރެވިފައިވާ ކަމަށްވެސް އެ ކުންފުނިން ވިދާޅުވިއެވެ. އައްޑޫއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް ކުރާ މަސައްކަތުގެ ތެރެއިން އައު ދެ ޖެނެރޭޓަރު ފޮނުވުމުގެ މަސައްކަތް ކުރާއިރު، މިމަހުގެ މެދުތެރެއިިން އެސިޓީއަށް ވަނީ 1.6 މެގަވޮޓްގެ ޖެނެރޭޓަރެއް ވެސް ގެންގޮސްފައެވެ.

އައްޑޫ ސިޓީއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް ކުރާ މަސައްކަތުގެ ތެރެއިން ގެނެވުނު 1.8 މެގަ ވޮޓުގެ އައު ދެ ޖެނެރޭޓަރު އެސިޓީއަށް ގެންދިއުމަށްޓަކައި މިހާރުވަނީ ލޯޑު ކުރެވިފައި.
#TeamFenaka pic.twitter.com/nAITlZxOlX

— Fenaka Corporation Ltd (@TeamFenaka) October 26, 2025

އައްޑޫ ސިޓީގެ ރަށްރަށުން ކަރަންޓު ކެންޑުމުގެ މައްސަލައަކީ އައްޑޫ ސިޓީގެ ރައްޔިތުންނަށް ކުރިމަތިވަމުން އަންނަ، ދާއިމީ ހައްލެއް ލިބިފައި ނުވާ މައްސަލައެކެވެ. އައްޑޫ ސިޓީއަށް ދިމާވެފައިވާ ކަރަންޓުގެ މައްސަލައަށް ދާއިމީ ހައްލެއް ހޯދުމަށް ބޭނުންވާ ފިޔަވަޅުތައް އެޅުމުގެ މަސައްކަތްވެސް އަދިވެސް ދަނީ ކުރަމުންނެވެ.