ރެއިޑް އޮޕަރޭޝަން: ޞައްޚަ ވިސާ ނެތް 5 ބެދޭސީއަކު އިމިގްރޭޝަންގެ ބެލުމުގެ ދަށަށް!

ޤަވާއިދާ ޚިލާފަށް ރެސްޓޯރެންޓެއްގައި މަސައްކަތް ކުރަމުންދިއަ ފަސް ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

މޯލްޑިވްސް އިމިގްރޭޝަނުން ވިދާޅުވީ އިއްޔެ ކުރިއަށް ގެންދިއަ ރެއިޑު އޮޕަރޭޝެއްގައި މާލޭގައި ހުންނަ ރެސްޓޯރަންޓެއް ބަލައި ފާސްކޮށްފައިވާކަމަށެވެ. އަދި މިރެއިޑުގައި ޞައްޚަ ވިސާއެއް ނެތި، ޤަވާއިދާ ޚިލާފަށް އެތަނުގައި މަސައްކަތް ކުރަމުންދިއަ 05 ބިދޭސީއަކު  އިމިގްރޭޝަންގެ ބެލުމުގެ ދަށަށް ގެންގޮސްފައިވާކަމަށް އިމިގްރޭޝަނުން ވިދާޅުވެފައި ވެއެެވެ. 

އިމިގްރޭޝަނުން މިހާރު ހިންގަމުންދާ ރެއިޑް އޮޕަރޭޝަން ތަކުގައި ރާއްޖޭގައި ޤަވައިދާ ޚިލާފަށް އުޅޭ ބިދޭސީން ހޯދާ، އެމީހުންނާމެދު ދަނީ ހަރުކަށި ފިޔަވަޅުުތައް އަޅަމުންނެވެ. އެ ގޮތުން ކުރެވެމުންދާ މަސައްކަތަތަކުގެ ދަށުން ގިނަ އަދަދެއްގެ ބިދޭސީން ވަނީ ޑީޕޯޓު ކޮށްފައެވެ.

މާލެ ސަރަހައްދުގައި ޤަވާއިދާ ޚިލާފަށް ވިޔަފާރިކޮށް، ސައްޙަ ވިސާއެއް ނެތި އުޅެމުންދާ ބިދޭސީން ބަލައި ފާސްކުރުމަށް ޚާއްސަ ހަރަކާތެއް ފަށާފައިވާއިރު، އިމިގްރޭޝަނުން މި އޮޕަރޭޝަން ވަނީ އަތޮޅުތެރެއަށް ފުޅާކޮށްފައެވެ.