ޒުވާނުންނަށް ޚާއްޞަ ސަޅި ފެސްޓު ޔޫތު ހަބުގައި ފަށައިފި

ދިވެހި ޒުވާނުންނަށް ޚާއްޞަކޮށްގެން ކުރިޔަށްގެންދާ "ސަޅި ފެސްޓް 2025" ފަށައިފިއެވެ. 

މިއީ ދިވެހި ޒުވާނުންގެ ޤައުމީ ލަފާދޭ ކޮމިޓީގެ އިސްނެގުމުގެ މަތިން، ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވުޒާރާއާ ގުޅިގެން ތިން ދުވަހުގެ މުއްދަތަށް ކުރިއަށްގެންދާ ހަރަކާތެކެވެ.

We will be at 'Salhi Fest' organized by Presidential Youth Advisory Board,
Come and join us at Youth Hub for free Jamming and Vocal classes pic.twitter.com/TLPhPfPn1j

— NCA (@NCA_MDV) November 26, 2025

މި ހަރަކާތް ކުރިޔަށް ގެންދަނީ ކުރީގެ މުލީއާގެ ވެހިކަލް ގަރާޖުގެ ގޮތުގައި ބޭނުން ކުރަމުން ދިޔަ އިމާރާތް ތަރައްޤީ ކުރުމަށްފަހު އެ ތަނުގައި ޒުވާނުންނަށް ޚާއްޞަކޮށްގެން އުފައްދާފައިވާ ޔޫތު ހަބުގައެވެ.

"ސަޅި ފެސްޓު 2025"ގައި ޒުވާނުންނަށް ޚާއްޞަ ގިނަ ކަންތައްތަކެއް ކުރިޔަށްދެއެވެ. އެގޮތުން ވިޔަފާރި ސްޓޯލްތަކާއި ފުޑް ސްޓޯލްތަކާއެކު އާ ހުނަރުތައް ދަސްކުރުމަށާއި، ހުނަރު ތަރައްޤީ ކުރުމަށްޓަކައި ކުރިއަށްގެންދާ ހަރަކާތްތައް ވެސް ހިމެނެއެވެ. 

މި މަހުގެ 27، 28 އަދި 29ގައި ކުރިޔަށްގެންދާ މި ހަރަކާތުގައި، ބައިވެރިންނަށް ހިލޭ ކަރޯކޭ ރޫމްތަކާއި، އެކި ކަހަލަ ގޭމް ޒޯންތަކުގައި ވަގުތު ހޭދަކުރެވޭނެކަމަށް ޒުވާނުން ބާރުވެރިކުރުވުމާ ބެހޭ ވުޒާރާއިން ހާދަކުރެއެވެ.