"ޔޫތް ހެކް 2025 " ގައި ބައިވެރިވުމުގެ ފުރުސަތު ހުޅުވާލައިފި!

ޒުވާނުންގެ ހުނަރާއި އީޖާދީ ވިސްނުން އަށަގަންނަވައި، އެކުވެރިކަމުގެ ރޫހުގައި މަސައްކަތް ކުރުމަށް ބާރުއެޅުމުގެ ގޮތުން، މިނިސްޓްރީ އޮފް ޔޫތް އެމްޕަވަރމަންޓް، އިންފޮމޭޝަން އެންޑް އާޓްސް އިން "ޔޫތް ހެކް 25" ރަސްމީކޮށް އިޢުލާންކޮށްފިއެވެ. މިއީ ޒުވާނުންގެ މެދުގައި އީޖާދީ ކަންކަމާއި އައު އީޖާދުތައް ތަރައްޤީ ކުރުމަށްޓަކައި ބާއްވާ 48 ގަޑިއިރުގެ ހެކަތޯނެކެވެ.

މި ހެކަތޯން ބޭއްވުމަށް ހަމަޖެހިފައިވަނީ 2025 ވަނަ އަހަރުގެ ޑިސެމްބަރު މަހުގެ 11 އިން 13 އަށް މާލޭގައި ހުންނަ ޔޫތް ހަބްގައެވެ. އުމުރުން 18 އަހަރާއި 35 އަހަރާ ދެމެދުގެ ހުރިހާ ޒުވާނުންނަށް މި ހެކަތޯންގައި ބައިވެރިވުމުގެ ފުރުސަތު ހުޅުވާލާފައިވާއިރު، މިއީ ޒުވާނުންނަށް އައު ހައްލުތައް ހޯދައި، ހިޔާލު ބަދަލުކޮށް، ހަލުވި އަދި ހުނަރުވެރި މާހައުލެއްގައި އެމީހުންގެ ހުނަރުތައް އިތުރަށް ތަރައްޤީކުރުމަށް ލިބޭ ރަނގަޅު ފުރުސަތެކެވެ.

Youth Hack 2025 is officially open for registration! Level Up Your Game. Bring Your Team. Shape What’s Next. Register via https://t.co/rcxuuChZur #YouthHack25 #YouthHackMV@YouthGovMv pic.twitter.com/vLwsItZXMs

— Maldives Youth Hackathon (@youthhackmv) December 5, 2025

"ބްރިޖިންގ ޑްރީމްސް، އަންލީޝިންގ ޕޮޓެންޝަލް" މި ތީމްގެ ދަށުން ކުރިއަށްދާ ޔޫތް ހެކް 25 އަކީ، އީޖާދީ ވިސްނުންތެރިންނާއި، ޑިވެލޮޕަރުންނާއި، ޑިޒައިނަރުންނާއި، މައްސަލަތަކަށް ހައްލު ހޯދުމަށް މަސައްކަތްކުރާ ފަރާތްތައް އެއްތަނަކަށް އެއްކޮށްލާނެ އިވެންޓެކެވެ. ބައިވެރިން ޓީމު ހަދައިގެން މަސައްކަތްކޮށް، ޕްރޮޖެކްޓްތައް ބިނާކޮށް، ދުނިޔޭގެ މައްސަލަތަކަށް ހައްލު ހޯދުމުގެ ގޮތުން ހިޔާލުތައް ހުށަހަޅާނެއެވެ. މި ދެ ދުވަހުގެ ތެރޭގައި ބައިވެރިންނަށް މެންޓަރުންގެ އެހީތެރިކަމާއި، ވަސީލަތްތައް އަދި އެއްވިސްނުމެއްގައި ތިބި އެހެން ފަރާތްތަކާ ގުޅިގެން މަސައްކަތްކުރުމުގެ ފުރުސަތު ލިބޭނެއެވެ.

އޯގަނައިޒަރުން ވަނީ ބައިވެރިވާން ބޭނުންވާ ފަރާތްތަކުން އަވަހަށް ރަޖިސްޓަރީވުމަށް ވިދާޅުވެފައެވެ. ރަޖިސްޓަރީވުމަށްޓަކައި ރަސްމީ އޮންލައިން ފޯމު މެދުވެރިކޮށް ނުވަތަ އިވެންޓް ޕޯސްޓަރުގައިވާ ކިޔު.އާރު. ކޯޑު ސްކޭން ކޮށްގެންވެސް ރަޖިސްޓަރީވެވޭނެއެވެ.

ޔޫތް ހެކް 25 އަކީ ޒުވާނުންގެ ތެރޭގައި ޓެކްނޮލޮޖީއާއި، އީޖާދީ ވިސްނުމާއި، ވިޔަފާރީގެ ދާއިރާތަކުގައި ޒުވާނުންގެ ބައިވެރިވުން އިތުރުކުރުމަށް ހިންގާ މަސައްކަތްތަކުގެ ބައެކެވެ. އަދި ގައުމުގެ މުސްތަގުބަލުގެ ލީޑަރުންގެ ތެރޭގައި އީޖާދީ ގޮތްގޮތުން މައްސަލަތަކަށް ހައްލު ހޯދުމުގެ ސަގާފަތެއް ބިނާކުރުމަށް މި ހެކަތޯނަކީ މުހިންމު ފިޔަވަޅެކެވެ.