ޑްރަގް ޓްރެފިކިންގެ މައްސަލަތައް ހައްލުކުރުމާ ގުޅޭގޮތުން އިންޑިއާއާއެކު މަޝްވަރާކޮށްފި

ކަނޑުގެ ސަލާމަތީ ކަންކަން ބެލެހެއްޓުމާއި ޑްރަގް ޓްރެފިކް ކުރުން ހުއްޓުވުމާއި ގުޅޭގޮތުން އިންޑިއާ އާއެކު މަޝްވަރާކޮށްފިއެވެ.

މި މަޝްވަރާތަށް ކުރިއަށް ގެންގޮސްފައިވަނީ، އިންޑިއަން ނޭވީގެ ޑެޕިއުޓީ ޗީފް އޮފް ދަ ނޭވަލް ސްޓާފް ވައިސް އެޑްމިރަލް ތަރޫން ސޮބްޓީ އާއި ދިވެހި ސިފައިންގެ ޗީފް މޭޖާ ޖެނެރަލް އިބްރާހިމް ހިލްމީގެ ބައްދަލުވުމެއްގައެވެ. މި ބައްދަލުކުރެއްވުމުގައި ކަނޑުގެ ސަލާމަތީ ކަންކަން ބެލެހެއްޓުމުގައި ދިމާވާ ގޮންޖެހުންތައް ހައްލު ކުރުމަށާއި އެ ދާއިރާއިން މީހުން ތަމްރީނު ކުރުމުގެ ޕްރޮގުރާމުތައް އިތުރު ކުރުމުގެ އިތުރުން މަސްތުވާތަކެތި ޓްރެފިކް ކުރުން ހުއްޓުވުމަށް ކުރާ މަސައްކަތަށް އެއްބާރުލުން ދިނުމާ ބެހޭ ގޮތުން މަޝްވަރާކުރައްވާފައިވެއެވެ.

It was an honor to meet Vice Admiral Tarun Sobti, Deputy Chief of Naval Staff of the @indiannavy, at the Integrated Headquarters of @MNDF_Official and hold discussions on maritime security cooperation and strengthening of our close defence ties. pic.twitter.com/MwiplcbzoL

— Chief of Defence Force (@CDFofMNDF) December 15, 2025

އިންޑިއާގެ މީޑީއާތަކުން ރިޕޯޓްކޮށްފައިވާގޮތުން މި މަޝްވަރާކުރެއްވީ ދެ ގައުމުގެ ސިފައިން އާންމުކޮށް ބާއްވަމުން އަންނަ "އެކަތަ" އަސްކަރީ ތަމްރީންތަކުގެ މި އަހަރުގެ އެޑިޝަން ނިންމުމުގެ ރަސްމިއްޔާތަށް އިއްޔެ ރާއްޖެ ވަޑައިގެންނެވި އިންޑިއަން ނޭވީގެ ޑެޕިއުޓީ ޗީފް އޮފް ދަ ނޭވަލް ސްޓާފް ވައިސް އެޑްމިރަލް ތަރޫން ސޮބްޓީ އާއި ދިވެހި ސިފައިންގެ ޗީފް މޭޖާ ޖެނެރަލް އިބްރާހިމް ހިލްމީގެ ބައްދަލުވުމެއްގައެވެ.