މުދާ އުފުލާ ބޯޓުތަކުގެ ދަތުރުތައް ސީދާ އިންޑިއާއިން ކުޅުދުއްފުއްޓަށް ފެށުމާ ގުޅޭ މަޝްވަރާ ބައްދަލުވުމެއް!

ޕެރިޝަބަލް އަދި ޖެނެރަލް ކާގޯ އުފުލާ ބޯޓުތައް އިންޑިއާގެ ޓުޓިކޮރިންއިން ކުޅުދުއްފުށި ސިޓީއަށް ސީދާ ދަތުރުތައް ފެށުމާއި ގުޅޭގޮތުން އެމްޕީއެލްގެ އިސްވެރިންނާއި ކުޅުދުއްފުށީ ސިޓީގެ ބައެއް ވިޔަފާރިވެރިންނާއެކު މަޝްވަރާ ބައްދަލުވުމެއް ބާއްވައިފިއެވެ. 

މޯލްޑިވްސް ޕޯޓްސް ލިމިޓެޑް، އެމްޕީއެލްއިން އެކްސްގައި ކޮށްފައިވާ ޕޯސްޓެއްގައި ވަނީ ރިޝަބަލް އަދި ޖެނެރަލް ކާގޯ އުފުލާ ބޯޓުތައް އިންޑިއާގެ ޓުޓިކޮރިންއިން ކުޅުދުއްފުށި ސިޓީއަށް ސީދާ ދަތުރުތައް ފެށުމާއި ގުޅޭގޮތުން މަޝްވަރާކުރުމަށް ސީ.އީ.އޯ މުޙައްމަދު ވަޖީހް އަދި މެނޭޖްމަންޓްގެ ޓީމުން ވަނީ ކުޅުދުއްފުށި ސިޓީގެ ބައެެއް ވިޔަފާރިވެރިންނާއި ބައްދަލުކޮށްފައިކަމަށެވެ. 

އިންޑިއާއިން ދާއިމީ ގޮތަކަށް ކުޅުދުއްފުށި ސިޓީއަށް ޕެރިޝަބަލް މުދާ އެތެރެކުރެވޭ ގޮތް ހެދުމަށް މަސައްކަތް ކުރަމުންދާއިރު އެމްޕީއެލްއިން މިހާރު އަންނަނީ އިންޑިއާގެ ޓުޓިކޮރިން އިން އައްޑޫ ސިޓީއަށް ޕެރިޝަބަލް މުދާ އެތެރެކުރަމުންނެވެ. ޖުލައިމަހުގެތެރޭގައި ފެށި މި ޚިދުމަތުގެ ފުރަތަމަ ޝިޕްމަންޓްގައި 150 ޓަނުގެ މުދާ ވަނީ ގެނެސްފައެވެ.