ބޮޑީބިލްޑިންގ މުބާރާތުގެ ޒިންމާ ނަގަންޖެހޭ ފަރާތްތައް ޖަވާބުދާރީކުރުވަންޖެހޭ!

ބޮޑީބިލްޑިންގ މުބާރާތުގެ ޒިންމާ ނަގަންޖެހޭ ފަރާތްތައް ޖަވާބުދާރީކުރުވަން ޖެހޭ ކަމަށް ރައްޔިތުންގެ މަޖިލީހުގެ ހުޅުމާލެ އުތުރު ދާއިރާގެ މެމްބަރު ޙުސެއިން ޝަރީފް ވިދާޅުވެއްޖެއެވެ. 

މެމްބަރުން ޙުސެއިން ޝަރީފް މިހެން ވިދާޅުވީ އޭނާ އެކްސްގައި ކުރެއްވެވި ޕޯސްޓެއްގައެވެ. 

މެމްބަރު ޙުސެއިން ވަނީ ހާވާނެ ހުރިހާ ހަޑިއެއް ހާވާފަ، އަދި ބޭނުންވާ މަޤްޞަދު ހާޞިލްވުމުން ދެން މަޢާފަށް އެދުމުން އެކަމާއި ނުރުހުން ފާޅުކުރައްވައިފައެވެ.

އަދި އެފަދަ ކަންތައް ތަކުރާރުވުމަކީ ލޯމަރާލާފަ ދޫކޮއްލެވިގެންވާނެ ކަންތައްތަކައް ވެގެންނުވާނެ ކަމަށާއި، ޒިންމާ ނަގަންޖެހޭ ފަރާތްތައް ޖަވާބުދާރީ ކުރުވަންޖެހޭ ކަމަށް މެމްބަރު ޙުސެއިން ޝަރީފް ވިދާޅުވިއެވެ.

ހާވާނެ ހުރިހާ ހަޑިއެއް ހާވާފަ، އަދި ބޭނުންވާ މަޤްޞަދު ހާޞިލްވީމަ، ދެން ކޮންމާފަކަށް އެދެންވީ! މިފަދަ ކަންތައް ތަކުރާރުވުމަކީ ލޯމަރާލާފަ ދޫކޮއްލެވިގެންވާނެ ކަންތައްތަކައް ވެގެންނުވާނެ! ޒިންމާ ނަގަންޖެހޭ ފަރާތްތައް ޖަވާބުދާރީ ކުރުވަންޖެހޭ! @MoSFR_mv @VaguthuOnline pic.twitter.com/wsg1pluXPk

— Hussain Shareef (Husenbe)🇲🇻🇵🇸🤲 (@HusseinSharyf) November 10, 2024

މެމްބަރު ޙުސެއިން މިހެން ވިދާޅުވެފައިމިވަނީ އައްޑޫސިޓީގައި ކުރިއަށްގެންދިޔަ ބޮޑީބިލްޑިންގ މުބާރާތާއި ގުޅިގެން ބޮޑީބިލްޑިންގ އެސޯސިއޭޝަނުން އެކަމާއި މެދުގައި މަޢާފަށް އެދި ބަޔާނެއް ނެރެފައިވަނިކޮށެވެެ.

އައްޑޫސިޓީގައި ކުރިއަށްގެންދިޔަ ބޮޑީބިލްޑިންގ މުބާރާތުގައި ދެޖިންސު މަސްހުނިކޮށް ބަރަޙަނާ މަންޒަރުތައް ފެންނަފަދައިން ޢާންމު އަޚްލާޤީ މިންގަޑާ ޚިލާފު ކަންތައްތައް ދައްކުވައިފައިވާތީ އާންމުންގެ ގިނަ ބަޔަކު ވަނީ ނުރުހުން ފާޅުކޮށްފައެވެ.

އަދި ރާއްޖޭގެ ދީނީ ޢިލްމުވެރިންގެ ތެރެއިން ގިނަ ބޭފުޅުންވަނީ މިކަން ހަރުކަށި ޢިބާރާތުން ކުށްވެރިކުރައްވައިފައެވެ. އަދި އިސްލާމީ ކަންތައްތަކާއި ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދުވެސް ވަނީ މިކަން ކުށްވެރިކުރައްވައިފައެވެ.