ކުޅިވަރު / ޚަބަރު
އެފްއޭއެމްގެ ޖެނެރަލް ސެކްރެޓަރީ މަގާމާ ހަވާލުވާ އެންމެ އުމުރުން ހަގު މީހަކަށް ނާހިލް!

އެފްއޭއެމްގެ އައު ޖެނެރަލް ސެކްރެޓަރީ- ފޮޓޯ: ޕީއެސްއެމް ނިއުސް

ފަރުދުން
12 ނޮވެމްބަރު 2024، 01:36
12 ނޮވެމްބަރު 2024، 01:36
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ އައު ޖެނެރަލް ސެކްރެޓަރީއަކަށް ނާހިލް އަހުމަދު ސިއްދީގު އައްޔަންކުރަން ނޯމަލައިޒިން ކޮމިޓީން ނިންމައިފިއެވެ.
ކުޅިވަރާ ބެހޭ ވުޒާރާގައި ވަޒީފާ އަދާކުރަމުންދާ ނާހިލްއަކީ އިންގްލެންޑް ޔުނިވަސިޓީގެ ބިޒްނަސް މެނޭޖްމެންޓް އަދި ބިޒްނަސް އެޑްމިނިސްޓްރޭޝަނުން ފުރަތަމަ ޑިގްރީއާއި މާސްޓާސް ޑިގްރީވެސް ހާސިލުކޮށްފައިވާ ޒުވާނެކެވެ. ނޯމަލައިޒް ކޮމިޓީން ބުނެފައިވަނީ އޭނާ އެ މަގާމަށް އައްޔަނުކުރަން ނިންމީ މަގާމަށް ކުރިމަތިލި ފަރާތްތަކުގެ ވަނަވަރާއި ތައުލީމީ ތަޖުރިބާ އަދި އިންޓަވިއު އަށް ބެލުމަށްފަހު އެންމެ ޤާބިލް ފަރާތަކަށް އޭނާ ވާތީ ކަމަށެވެ. ނާހިލްގެ އުމުރަކީ 24 އަހަރެވެ. އޭނާއަކީ އެފްއޭއެމްގެ ތާރީހުގައި އެ މަގާމާ ހަވާލުވާ އެންމެ އުމުރުން ހަގު ޖެނެރަލް ސެކްރެޓަރީ އެވެ.
އެފްއޭއެމްގެ ޖެނެރަލް ސެކްރެޓަރީގެ މަގާމު އެންމެ ފަހުން އަދާކުރީ ޖައުޝަން ޝަރީފެވެ. ޖައުޝަން ވަނީ އޮގަސްޓް މަހު، ފީފާއިން އައްޔަންްކުރި، ނޯމަލައިޒިން ކޮމިޓީން އެފްއޭއެމްގެ މަސައްކަތް ފެށިއިރުވެސް ޖެނެރަލް ސެކްރެޓަރީގެ މަގާމު އަދާކޮށްފަ އެވެ. އެފްއޭއެމްގެ ޖެނެރަލް ސެކްރެޓަރީގެ މަގާމާއި ނާހިލް ރަސްމީކޮށް ހަވާލުވާނީ އަންނަ ހަފުތާގެ ތެރޭގައެވެ.