ރަސްމީ ހުރިހާ ދުވަހެއްގައިވެސް ބޭންކިންގ ޚިދުމަތް ލިބޭނެ- އެމްއެމްއޭ

ރަސްމީ ހުރިހާ ދުވަހެއްގައިވެސް ބޭންކިންގ ޚިދުމަތް ލިބޭނެ ކަމަށް  މޯލްޑިވްސް މަނިޓަރީ އޮތޯރިޓީ، އެމްއެމްއޭއިން ވިދާޅުވެއްޖެއެވެ.

މީގެ ކުރިން އެމްއެމްއޭއިން ޚިދުމަތް ދެމުން ގެންދިޔައީ އެޕޮއިންޓްމަންޓް އުސޫލުން ހަފްތާގެ އަންގާރަ އަދި ބުރާސްފަތި ދުވަހުއެވެ. އެހެން ނަމަަވެސް މިހާރު އެމްއެމްއޭ އިން އާންމުންނަށް ދެމުންގޮސްފައިވާ ބޭންކިން ޚިދުމަތްތައް އެ އިދާރާ ހުޅުވާފައި ހުންނަ ކޮންމެ ދުވަހަކުވެސް ދޭ ގޮތަށް ނިންމާފައިވާކަމަށް ވިދާޅުވިއެވެ. އެގޮތުން ބޭންކިން ޚިދުމަތްތައް ދިނުމަށް ހަމަޖެހިފައިވަނީ ކިއު ތަރުތީބުން ކަމަށްވެސް އެމްއެމްއޭއިން ވިދާޅުވެއެވެ. އެއާއެކު އެމްއެމްއޭއިން ވަނީ ވަކިވަކި ޚިދުމަތްތައް ލިބިގެންދާނެ ގަޑިތައް ވެސް އިއުލާން ކޮށްފައެވެ.

<blockquote class="twitter-tweet"><p lang="zxx" dir="ltr"><a href="https://t.co/OUvUiWgFUc">pic.twitter.com/OUvUiWgFUc</a></p>&mdash; MMA (@MMA_Maldives) <a href="https://twitter.com/MMA_Maldives/status/1856231624368865610?ref_src=twsrc%5Etfw">November 12, 2024</a></blockquote> <script async src="https://platform.twitter.com/widgets.js" charset="utf-8"></script>

އެމްއެމްއޭއިން ޚިދުމަތްތައް ދިނުމަށް ހަމަޖެހިފައިވާ ގަޑިތައް: 

• ކުދި ރުފިޔާ ދޫކުރުމާއި ވަކި ލާރި ދޫކޮށް އަދި ބަލައިގަތުން: ހެނދުނު 08:30ން މެންދުރު 11 އަށް.

• ހަލާކުވެފައިވާ ނޫޓަށް ބަދަލު ދިނުން: ހެނދުނު 08:30ން މެންދުރުފަހު 02:00 އަށް.

• އެހެނިހެން ޚިދުމަތްތައް: ހެނދުނު 08:30ން މެންދުރުފަހު 02:00 އަށް.

އެމްއެމްއޭ ބުނީ، މި ޚިދުމަތްތަކަށް އެޕޮއިންޓްމަންޓެއް ބޭނުމެއް ނުވާނެ ކަމުގައެވެ. އެމްއެމްއޭގެ މި ނިންމުމަކީ އާންމު ރައްޔިތުންނަށް ވީހާވެސް ފަސޭހަ އަދި އަވަސް ޚިދުމަތް ދިނުމުގެ ގޮތުން ނިންމާފައިވާ ނިންމުމެކެވެ.