ކުޑަ ދެކުދިންނަށް ޖިންސީ ގޯނާކުރި މައްސަލައެއްގައި މީހަކު ހައްޔަރުކޮށްފި

ދެކުނުގެ ރަށެއްގައި ކުޑަ ދެކުއްޖަކަށް ޖިންސީ ގޯނާކުރި މައްސަލައެއްގައި މީހަކު ހައްޔަރުކޮށްފިއެވެ.

ފުލުހުން ވިދާޅުވީ، ގއ. ގދ. ޏ އަދި ސ ހިމެނޭ ސަރަހައްދުގެ ރަށެއްގައި އިތުބާރުކުރެވޭ މަޤާމެއްގައި ހުރި މީހަކު 11 އަހަރުގެ އަންހެން ކުއްޖަކާއި 7 އަހަރުގެ އަންހެން ކުއްޖަކަށް ޖިންސީ ގޯނާ ކުރިކަމަށް ތުހުމަތުކުރެވޭ މައްސަލައެއްގެ މިމަހުގެ 4 ވަނަ ދުވަހު އެ އިދާރާއަށް ރިޕޯޓް ކޮށްފައިވާ ކަމަށެވެ. 

މި މައްސަލާގައި ތުހުމަތު ކުރެވޭ 56 އަހަރުގެ ދިވެހި ފިރިހެނަކު ރޭގެ ވަގުތެއްގައި ކޯޓުއަމުރެއްގެ ދަށުން ހައްޔަރުކޮށްފައިވާކަމަށް ފުލުހުން ވިދާޅުވިއެވެ. ކުޑަކުދިންނާއި ގުޅޭ މިފަދަ މައްސަލަތަކަކީ ސީރިއަސް މައްސަލަތަކަކަށް ވާތީ ކުދިންގެ އަތޮޅާއި ރަށް ސިއްރުކޮށްފައިވާކަމަށާއި ކުދިންގެ ވަނަވަރު އަދި ތުހުމަތު ކުރެވޭ ފަރާތުގެ ވަނަވަރުވެސް ސިއްރުކޮށްފައިވާކަމަށް ފުލުހުން ވިދާޅުވެފައި ވެއެވެ.

މީޑިއާ ތަކުން ރިޕޯޓް ކޮށްފައިވާގޮތުގައި ހައްޔަރު ކޮށްފައިވަނީ ޖިންސީ ގޯނާ ލިބުނު އެއްކުއްޖެއްގެ ބައްޕަ އެވެ. އަދި އަނެއް ކުއްޖާއަކީ މި ފިރިހެން މީހާއަށް އާއިލީ ގޮތުން ބޮޑުބޭބެ ކިޔާ ކުއްޖެއް ކަމަށްވެސް ރިޕޯޓް ކޮށްފައިވެއެވެ.