އެންޖީއޯ ލީޑަރުން ތަމްރީނުކުރުމުގެ ޕްރޮގްރާމެއް އަންނަ މަހު ބާއްވަނީ

ޖަމްޢިއްޔާ ޖަމާޢަތްތަކުގެ ހިންގުންތެރިން ހަރުދަނާކޮށް، ލީޑަރޝިޕް ހުނަރުތައް ތަރައްޤީކުރުމަށް ބާއްވާ ޚާއްޞަ ތަމްރީނު ޕްރޮގްރާމެއް ބާއްވަން ނިންމައިފިއެވެ.

ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން ވިދާޅުވީ، މި ޕްރޮގްރާމު ބޭއްވުމަށް ހަމަޖެހިފައިވަނީ އަންނަ ފެބުރުވަރީ މަހުގެ 3 ވާ އަންގާރަ ދުވަހު ކަމަށެވެ.

"ޔޫތު ހަބް" ގައި ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމް އޮންނާނީ އެ ދުވަހުގެ ރޭގަނޑު 20:00 އިން 22:00 އަށްކަމަށް ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާއިން މަޢުލޫމާތުދެއެވެ. އަދި މި ތަމްރީނު ޕްރޮގްރާމަކީ މަދަނީ ޖަމްޢިއްޔާތަކުގެ މަސައްކަތްތައް މިހާރަށްވުރެ ހަރުދަނާކޮށް، ހިންގުމުގެ ދާއިރާގައި ހުރި ގޮންޖެހުންތަކުން އަރައިގަތުމަށް ބޭނުންވާ މުހިންމު މަޢުލޫމާތާއި ހުނަރުތައް ފޯރުކޮށްދިނުމަށް ބާއްވާ ހަރަކާތެއްކަމަށް އެ ވުޒާރާއިން ވިދާޅުވިއެވެ.

މި ޕްރޮގްރާމުގައި ބައިވެރިވުމަށް ޝައުގުވެރިވާ ފަރާތްތަކުން އަންނަ ފެބުރުއަރީ މަހުގެ 2 ވާ ހޯމަ ދުވަހުގެ މެންދުރުފަހު 14:00 ގެ ކުރިން ރަޖިސްޓްރީ ކުރުމަށް އެ ވުޒާރާއިން ވަނީ އެދިފައެވެ.