ޚަބަރު
ފާއިތުވި އެއްއަހަރު ޤަވާއިދާ ޚިލާފުވި 5000 ބިދޭސީން ޑީޕޯޓުކޮށްފިން: ޝައްމާން
އިމިގްރޭޝަން ކޮންޓްރޯލަރ ޝަމްއާން ވަޙީދު. ފޮޓޯ: އިމިގްރޭޝަން
ފާއިތުވި އެއްއަހަރު ޤަވާއިދާ ޚިލާފުވި 5000 ބިދޭސީން ޑީޕޯޓު ކޮށްފައިވާ ކަމަށް އިމިގްރޭޝަން ކޮންޓްރޯލަރ މުޙައްމަދު ޝައްމާން ވަޙީދު ވިދާޅުވެއްޖެއެވެ.
ޝައްމާން އެކްސްގައި ކުރެއްވެވި ޕޯސްޓެއްގައި ވިދާޅުވެފައިވަނީ 17ނޮވެމްބަރ 2023 އިން ފެށިގެން ފާއިތުވެދިޔަ 1 އަހަރު ތެރޭ ޤަވާއިދާ ޚިލާފަށް އުޅޭ 5000 ބިދޭސީން ފުރުވާލާ ޓާރގެޓް ވަނީ ހާސިލް ކުރެވިފައި ކަމަށެވެ.
އަދި މިއީ އިމިގްރޭޝަން ތާރީޚުގައި ވެސް ރެކޯރޑް އަދަދެއް ކަމަށާއި، މިކަމުގައި އިމިގްރޭޝަނަށް އެހީތެރިވެދެއްވި އެންމެހާ ފަރާތްތަކަށް ވަރަށް ހާއްސަ ޝުކުރެއް ދަންނަވާ ކަމަށް ޝަމްއާން ވިދާޅުވެފައިވެއެވެ. އޭގެ ތެރެއިން ޙާއްސަކޮށް ދިވެހި ފުލުހުންގެ ޚިދުމަތާއި ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާގެ ނަން ފާހަގަކޮށްފައިވެއެވެ.
17 ނޮވެމްބަރ 2023 އިން ފެށިގެން ފާއިތުވެދިޔަ 1 އަހަރު ތެރޭ ޤަވާއިދާ ޚިލާފަށް އުޅޭ 5000 ބިދޭސީން ފުރުވާލާ ޓާރގެޓް ވަނީ ހާސިލް ކުރެވިފަ. މިއީ އިމިގްރޭޝަން ތާރީހުގައި ވެސް ރެކޯރޑް އަދަދެއް. މިކަމުގައި އިމިގްރޭޝަނަށް އެހީތެރިވެދެއްވި އެންމެހާ ފަރާތްތަކަށް…
— Mohamed Shamaan Waheed (@ShamaanW) November 17, 2024
ރާއްޖޭގައި ޤަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް މިސަރުކާރުން ފެށި މަސައްކަތުގެ ތެރެއިން މިފާއިތުވި އެއްއަހަރު ދުވަހުގެ ތެރޭގައި ޤަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް، ވަރަށް ގިނަ ތަންތަން ބަލައި ފާސްކޮށް، ބިދޭސީން ޑިޕޯޓްކޮށް، އެމީހުން ޤަވާއިދާ ޚިލާފަށް ހިންގަމުންއައި ވިޔަފާރިތައް ވަނީ ބަންދުކޮށްފައެވެ.
