ލ. ގަމު ތުނޑީ އަވަށުގެ ލިންކު ރޯޑުގައި 2 ސައިކަލެއް ޖެހި އެކްސިޑެންޓެއް ހިނގައިފި

ލ. ގަމު ތުނޑީ އަވަށުގެ ލިންކު ރޯޑުގައި 2 ސައިކަލެއް ޖެހި އެކްސިޑެންޓެއް ހިނގައިފި އެވެ.

ދިވެހި ފުލުހުންގެ ޚިުދމަތުން ވިދާޅުވީ، ލ. ގަމު ތުނޑީ އަވަށުގެ ލިންކު ރޯޑުގައި 2 ސައިކަލެއް ޖެހި އެކްސިޑެންޓު ވެފައިވާ މައްސަލަ ރޭ 21:36 އެހައިކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

މީގެ އިތުރުން، މި އެކްސިޑެންޓުގައި ހިމެނޭ ސައިކަލުގައި ތިބި 2 މީހުންނަށް އަނިޔާވެގެން ހޮސްޕިޓަލްގައި ފަރުވާދެމުންދާކަމަށް ފުލުހުންގެ ޚިދުމަތުން މަޢުލޫމާތުދެއެވެ. އަދި އެކްސިޑެންޓުގައި އަނިޔާވެފައިވަނީ އަންހެނަކާއި ފިރިހެންކަށްކަމަށް ފުލުހުންގެ ޚިދުމަތުން ވިދާޅުވިއެވެ.

މި އެކްސިޑެންޓުގައި އެ ދެމީހުންނަށް ލިބިފައިވާ އަނިޔާގެ އިތުރު ތަފްޞީލް ފުލުހުން ހާމައެއް ނުކުރެއެވެ.

މި މައްސަލަ ފުލުހުން ގެންދަނީ އިތުރަށް ތަޙުޤީގުކުރަމުންނެވެ.