އިންޑޮނޭޝިއާއަށް ބިންހެލުމެއް އަތުވެއްޖެ، ރާއްޖެއަށް ނުރައްކަލެއްް ނެތް!

މިއަދު ހެނދުނުގެ ވަޤުތެއްގައި އިންޑޮނޭޝިއާއަށް އައި ބާރުގަދަ ބިންހެލުމުގެ އަސަރު ރާއްޖެއަށް ނުކުރާނެ ކަމަށް މޫސުމާ ބެހޭ ޤައުމީ އިދާރާ، މެޓް އޮފީހުން ވިދާޅުވެއްޖެއެވެ.

މޫސުމާ ބެހޭ ޤައުމީ އިދާރާއިން ވިދާޅުވީ، މިއަދު ހެނދުނު ރާއްޖެ ގަޑިން 09:56 ހާއިރު އިންޑޮނޭޝިއާގެ އުތުރު ސުމާޓްރާ އަށް އައީ 6.1 މެގްނިޓިއުޑްގެ ބާރު ބިންހެލުމެއް ކަމަށެވެ. އަދި ރާއްޖޭގެ ވެރި ރަށް މާލެއާ 2581 ކިލޯމީޓަރު ދުރުމިނުގައި އައި މި ބިންހެލުމުގެ ސަބަބުން ރާއްޖެއަށް އެއްވެސް ނުރައްކަލެއް ނެތްކަމަށް މޫސުމާ ބެހޭ ޤައުމީ އިދާރާއިން ވަނީ ވިދާޅުވެފައެވެ.

އިންޑޮނޭޝިއާއަށް މިއަދު އައި ބިންހެލުމާއި ގުޅިގެން އިންޑިއާ ކަނޑުގައި ސުނާމީއެއް ނުއެފެދޭ ކަމަށް މެޓް އޮފީހުން ވިދާޅުވެފައިވާއިރު، ބިންހެލުމުގެ ސީދާ ނުރައްކާ ރާއްޖެއަށް ނުކުރާނެކަމަށް މެޓުން ވަނީ ވިދާޅުވެފައެވެ.

pic.twitter.com/ltutwZrSQS

— Maldives Meteorology (@MetMaldives) March 3, 2026