މެދުއިރުމަތީގެ ހަނގުރާމައާއި ގުޅިގެން ދިވެހިރާއްޖެއިން ޢުމްރާއަށްދާ ފަރާތްތަކުން ގުޅުމަށް ހޮޓްލައިނެއް ޤާއިމްކޮށްފި

މެދުއިރުމަތީގައި ފަށާފައިވާ ހަނގުރާމައާ ގުޅިގެން ދިވެހިރާއްޖެއިން ޢުމްރާގެ އަޅުކަން އަދާކުރުމަށް ދަތުރުކުރާ ފަރާތްތަކާއި، ޢުމްރާގެ އަޅުކަން އަދާކުރުމަށް މިހާރު މައްކާގައި ތިބި އެންމެހާ ފަރާތްތަކުން، އެފަރާތްތަކަށް ދިމާވާ ޚާއްޞަ ހާލަތްތަކާ ގުޅިގެން މަޢުލޫމާތު ޙިއްސާކުރުމާއި މަޢުލޫމަތު ހޯދުމަށް، އިސްލާމީ ކަންތައްތަކާ ބެހޭ ވުޒާރާއިން ޚާއްޞަ ހޮޓްލައިނެއް ޤާއިމްކޮށްފިއެވެ.

މިކަމަށްޓަކައި ޤާއިމްކޮށްފައިވާ ހޮޓްލައިން ނަމްބަރަކީ:

• ހޮޓްލައިން ނަންބަރު: 3007070
• ދިވެހިރާއްޖެއިން ބޭރުން ގުޅާނަމަ: 3007070 (960)+

މީގެ އިތުރުން، ޚާއްޞަ ކަމެއް މެދުވެރިވެއްޖެ ހާލަތެއްގައި ސަޢުދީ ޢަރަބިއްޔާގެ ރިޔާޟުގައި ހުންނަ ދިވެހިރާއްޖޭގެ އެމްބަސީގެ ހޮޓްލައިން ނަންބަރު (506894477 966+) އާއި ސަޢުދީ ޢަރަބިއްޔާގެ ޖިއްދާގައި ޤާއިމުކޮށްފައިވާ ދިވެހިރާއްޖޭގެ ކޮންސިއުލޭޓުގެ ހޮޓްލައިން ނަންބަރު (530838329 966+) އަށް ވީ އެންމެ އަވަހަކަށް އެންގެވުމަށް އިސްލާމީ ކަންތައްތަކާ ބެހޭ ވުޒާރާއިން ވަނީ އެދިފައެވެ. 

މައްކާގައި ތިބި ޢުމްރާވެރީންގެ ކަންކަން އިސްލާމީ ކަންތައްތަކާ ބެހޭ ވުޒާރާގެ ފަރާތުން ވަރަށް ގާތުން ބަލަމުންދާކަމަށް އެ ވުޒާރާއިން މަޢުލޫމާތުދެއެވެ.