މޯލްޑިވްސް މީޑިއާ އެންޑް ބްރޯޑްކާސްޓިންގް ކޮމިޝަންގެ ރަސްމީ ލޯގޯ ބޭނުންކުރަން ފަށައިފި

މޯލްޑިވްސް މީޑިއާ އެންޑް ބްރޯޑްކާސްޓިންގް ކޮމިޝަންގެ ރަސްމީ ލޯގޯ ބޭނުންކުރަން ފަށައިފި އެވެ.

އެ ކޮމިޝަނުގެ އައު ލޯގޯ ބޭނުންކުރަން ފަށާފައިވަނީ މާރިޗު މަހުގެ 3 ވަނަ ދުވަހުން ފެށިގެންނެވެ. މި ލޯގޯ ފަރުމާކޮށްފައިވަނީ މައިގަނޑު 4 ބައެއްގެ މައްޗަށް ކަމަށާއި، މިއިން ކޮންމެ ބަޔަކުން ކޮމިޝަންގެ މަޤްޞަދުތައް ދައްކުވައިދޭކަމަށް މޯލްޑިވްސް މީޑިއާ އެންޑް ބްރޯޑްކާސްޓިންގް ކޮމިޝަނުން ވަނީ ވިދާޅުވެފައެވެ.

އެގޮތުން، އެ ކޮމިޝަނުގެ ލޯގޯއިން ރަމްޒުކޮށްދޭ ކޮމާކޯޅި ދައްކުވައިދެނީ ޚިޔާލުފާޅުކުރުމުގެ މިނިވަންކަންކަމަށް އެ ކޮމިޝަނުން ވިދާޅުވިއެވެ. ހަމަ އެހެންމެ، ބްރޯޑްކާސްޓިން ވޭވްސްއިން ދައްކުވައިދެނީ މަޢުލޫމާތު ފެތުރިގެންދާ ހަލުވި މިންކަމަށާއި،  ލޯގޯގެ ވަކިވަކި ހަތަރު ބައިން ރަމްޒުކޮށްދެނީ މީޑިއާ އަކީ ހަތަރުވަނަ ބާރުކަންކަމަށް އެ ކޮމިޝަނުން މަޢުލޫމާތުދެއެވެ. ހަމަ އެއާއެކު،  ކޮމިޝަނުގެ ލޯގޯއިން ރަމްޒުކޮށްދޭ ތާނައިގެ ތިން އަކުރު، "މ"، "ބ" އަދި "ކ" ދައްކުވައިދެނީ، ދިވެހި ބަހާއި ސަޤާފަތަށް ދޭ އަހަންމިއްޔަތުކަން ކަމަށް އެ ކޮމިޝަނުން ވިދާޅުވިއެވެ.

މި އައު ލޯގޯއާއެކު، ކޮމިޝަނުގެ އެންމެ ބޮޑު އަމާޒަކީ ރާއްޖޭގެ މީޑިއާގެ މިނިވަންކަން ދަމަހައްޓައި ޒިންމާދާރު ނޫސްވެރިކަމުގެ ސަޤާފަތެއް ކުރިއެރުވުމަށް ކުރާ މަސައްކަތް އިތުރަށް ހަރުދަނާކުރުން ކަމަށް މީޑީއާ ކޮމިޝަނުން ވިދާޅުވިއެވެ.