ރަމަޟާންމަހުގެ ފަހުދިހައިގެ 4 ދުވަހެއްގައި އައިޑިކާޑު ދޫކުރުމުގެ ޚިދުމަތް ލިބޭނެ: ޑީއެންއާރު

ރަމަޟާން މަހު ފަހުދިހައިގައި ދިވެހި ރައްޔިތެއްކަން އަންގައިދޭ ކާޑު ދޫކުރުމުގެ ޚިދުމަތް 4 ދުވަހެއްގައި ދިނުމަށް ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު) އިން ނިންމައިފިއެވެ.

ޑިޕާޓްމަންޓް އޮފް ނޭޝަނަލް ރަޖިސްޓްރޭޝަނުން ވަނީ ރަމަޟާން މަހުގެ ފަހު ދިހައެއްގައި، ދިވެހި ރައްޔިތެއްކަން އަންގައިދޭ ކާޑު ދޫކުރުމުގެ ޚިދުމަތް ދިނުމަށް ވަކި ގަޑިތަކަކާއި ދުވަސްތަކެއް ހަމަޖައްސާފައެވެ.

މި ޚިދުމަތް ދޭ ދުވަސްތަކަކީ، މާރިޗު މަހުގެ 11، 15، 17 އަދި 19 ވަނަ ދުވަހެވެ. މި 4 ދުވަހު ޚިދުމަތް ދޭން ހަމަޖެހިފައިވަނީ، ހެނދުނު 09:00 އިން މެންދުރުފަހު 13:00 އާ ހަމައަށެވެ. މާލެއިން މި ޚިދުމަތް ލިބޭނީ، ޑީއެންއާރު ހެޑް އޮފީހުންނެވެ. މީގެ އިތުރުން، ހުޅުމާލެ ފިޔަވަހި ފޭސް 1 ގައި ހުންނަ އުމަރު ޒާހިރު ބިލްޑިންގ، ހުޅުމާލެ ފޭސް 2 ގައި އުޅޭ މީހުންނަށް ވިނަރެސް ޓަވަރ 2 އިން މި ޚިދުމަތް ލިބޭނެ ކަމަށާއި، ވިލިމާލޭގައި ހުންނަ ޑީއެންއާރު ވިލިމާލެ އޮފީހުންވެސް މި ދުވަސްތަކުގައި ޚިދުމަތް ލިބޭނެ އިންތިޒާމުތައް ހަމަޖައްސާފައިވާކަމަށް ޑީއެންއާރުން ވިދާޅުވިއެވެ.

ހަމަ އެއާއެކު، އިމަރޖެންސީ ހާލަތްތަކުގައި ޑީއެންއާރ ޑީޕާޓްމަންޓުގެ ނަންބަރު، 7280368 އަށް ގުޅުމުން ޚިދުމަތް ލިބޭނެ މަގު ޢާންމު ރައްޔިތުންނަށް ވަނީ ފަހިކޮށްދީފައެވެ.