މާލެ ސަރަޙައްދުގެ ހުރިހާ މިސްކިތެއްގައި މިއަދު އިމާމުވެ ހުކުރު ނަމާދު ކުރެއްވީ ޒުވާން ޚަޠީބުން!

މާލެ ސަރަޙައްދުގެ ހުރިހާ މިސްކިތެއްގައި މިއަދު އިމާމުވެ ހުކުރު ނަމާދު ކުރެއްވީ ޒުވާން ޚަޠީބުންކަމަށް އިސްލާމީ ކަންތައްތަކާ ބެހޭ ވުޒާރާއިން ވިދާޅުވެއްޖެއެވެ.

އެގޮތުން، މާލޭގެ އެންމެ ބޮޑު މިސްކިތްތައްކަމަށްވާ އިސްލާމީ މަރުކަޒާއި ސަލްމާން މިސްކިތް ހިމެނޭހެން 26 މިސްކިތެއްގައި މިއަދު ޒުވާން ޚަޠީބުން އިމާމުވެ ހުކުރު ކުރައްވާފައިވާކަމަށް އެ ވުޒާރާއިން މަޢުލޫމާތުދެއެވެ.

އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވީ، ޒުވާން ޚަޠީބުންނަށް މި ފުރުޞަތު ދޭން ނިންމާފައިވަނީ އު ޒުވާނުންގެ ލީޑާޝިޕް ބަލައިގަންނަކަމާއި، އިސްލާމީ ކަންކަން ހިންގުމާއި، އިސްލާމީ ޚިދުމަތުގައި އެ ޒުވާނުންނަށް އޮތް ފުރުޞަތުގެ ތަނަވަސްކަން ޔަޤީންކޮށްދިނުމަށް ކަމަށެވެ. އަދި މިއީ ރައީސުލްޖުމުހޫރިއްޔާ ޑރ. މުޙައްމަދު މުޢިއްޒު ޒުވާން ޖީލު ބިނާކުރެއްވުމަށް ފެށްޓެވި މަސައްކަތްޕުޅަށް ބާރު ދިނުމުގެ ގޮތުން ކުރެވިގެންދާކަމެއްކަމަށް ވަޒީރު ވަނީ ވިދާޅުވެފައެވެ.

މަސްޖިދުލްމަލިކި ސަލްމާންގައި ޒުވާން ޚަޠީބު އަލްޙާފިޡް މުޙައްމަދު ޙަނޫން ޙުސައިން ހުކުރު ކުރެއްވުން pic.twitter.com/4hOOuH7Rwr

— Ministry of Islamic Affairs (@MVIaffairs) March 6, 2026

މާލެ ސަރަޙައްދުގެ މިސްކިތްތަކުގައި މިއަދު ހުކުރުކުރެއްވި ޚަޠީބުން:

• އިސްލާމީ މަރުކަޒު: އަލްޙާފިޡް ޢަބްދުﷲ ބިން އިމްޖާދު
• ސަލްމާން މިސްކިތް: އަލްޙާފިޡް މުޙައްމަދު ޙަނޫން ޙުސަައިން
• އިސްކަންދަރު މިސްކިތް: މުހައްމަދު މަބާހް މުހައްމަދު
• ޔޫސުފުލް ބަރުބަރީ މިސްކިތް: އާޔަން އަހުމަދު އިނާން
• ބިއްރި މިސްކިތް، ވިލިމާލެ: އިސްމާއިލް ރަޝީދު
• މަސްޖިދުއްސުލްތާން މުހައްމަދު ބިން އަބްދުﷲ: ރައްޔާން މުހައްމަދު ރަޝީދު
• ފުރުގާން މިސްކިތް: އަހުމަދު ޔޫސުފް ބިން ސައީދު
• ނޫރު މިސްކިތް: ހަމްޒާ ބިން ހަސަން
• ޝަހީދު އަލީ މިސްކިތް: އަލްޙާފިޡް އާކިފް އަބްދުއްސައްތާރު
• ތައިބާ މިސްކިތް: މުހައްމަދު ދިނާޒް އަހުމަދު ޝަރީފް
• ޝައިހް ގާސިމް ބިން މުހައްމަދު އާލް ސާނީ މިސްކިތް: އަލްޙާފިޡް އުވައިސް ބިން އިނާޒް
• ދުނބުރު މިސްކިތް: ޒައިނުލް އާބިދީން ޔޫސުފް
• ފަނޑިޔާރު މިސްކިތް: އާތިކް އަބްދުއްސައްތާރު
• ބަންޑާރަ މިސްކިތް: މާޔިޒް ބިން މުސްތާގް
• ޖަލާލުއްދީން މިސްކިތް: އިސްމާއީލް އިފްރާހް އިބްރާހިމް އަލީ
• ހަސަން އާދަމް މިސްކިތް، ހުޅުމާލެ 2: މުހައްމަދު ޔަޝައު މުސްތަފާ
• އީމާން މިސްކިތް، ހުޅުމާލެ 2: އަނަސް ބިން ހަސަން
• ސަލާހުއްދީން މިސްކިތް: އަހުމަދު އަލްތާފް މޫގިލް
• އަސްދިގާ މިސްކިތް، ހުޅުމާލެ 1: އަބްދުﷲ ޔައިސް މުހައްމަދު
• އަމީލް ޖަލީލް މިސްކިތް، ހުޅުމާލެ 2: އައްމާރު ބިން އިބްރާހިމް
• ވާލިދައިން މިސްކިތް، ހުޅުމާލެ 1: އިބްރާހިމް ޒާކިރު ޒަލީގް
• ރަޝީދު މިސްކިތް، ހުޅުމާލެ 1: ހަނީޒް ހަނީފް
• އަޒީޒާ މިސްކިތް، ހުޅުމާލެ 1: ހަސަން މާޒް އަލީ
• އަބީބަކުރުނިއްސިއްދީގު މިސްކިތް، ހުޅުމާލެ 2: އަހުމަދު މާދިން އަބްދުއްސަލާމް
• އުސްމާން ބިން އައްފާން މިސްކިތް، ހުޅުމާލެ 2: އަބްދުﷲ އަކްމަލް ރަޝީދު

އިސްލާމީ ކަންތައްތަކާ ބެހޭ ވުޒާރާއިން ފަށާފައިވާ ޒުވާން ޚަޠީބުން ތަމްރީން ޕްރޮގުރާމުގެ ދަށުން މިހާތަނަށް 500 އަށްވުރެ ގިނަ ޒުވާން ޚަޠީބުން ތަމްރީންކުރެވިފައިވާއިރު އެ ވުޒާރާގެ އަމާޒަކީ މި ފަސް އަހަރު ތެރޭގައި 1000 ޒުވާން ޚަޠީބުން ތަމްރީން ކުރުމެވެ.