ޚަބަރު
މަސްތުވާތަކެތީގެ މައްސަލައެއްގައި ތައިލެންޑުގެ ޖަލެއްގައި ހުރި ދިވެއްސަކު ނިޔާވެއްޖެ
ތައިލެންޑުގެ ޖަލެއް--
މަސްތުވާތަކެތީގެ މައްސަލައެއްގައި ތައިލެންޑުގެ ޖަލެއްގައި ހުރި ދިވެއްސަކު ނިޔާވެއްޖެ އެވެ.
ދިވެހި ފުލުހުންގެ ޚިދުމަތުން ވިދާޅުވީ، މަސްތުވާތަކެތީގެ މައްސަލައެއްގައި ތައިލެންޑުގައި ބަންދުކޮށްފައި ހުރި ތ. ގުރައިދޫ، ފަނާރު/އިބްރާހިމް ނަބީހް ނަސީމް (22އ) ޖަލުގައި ހުއްޓާ ނިޔާވެފައިވާކަމުގެ މަޢުލޫމާތު ލިބިފައިވާ ކަމަށެވެ.
ފުލުހުން އިތުރަށް ވިދާޅުވީ، އިބްރާހިމް ނަބީހް ނަސީމް ހައްޔަރުކޮށްފައިވަނީ، ނިމިދިޔަ ފެބްރުއަރީ މަހުގެ 22 ވަނަ ދުވަހު ޑޮން މުއެންގ އިންޓަރނޭޝަނަލް އެއަރޕޯޓުން ކަމަށެވެ. އަދި މި ހާދިސާއާ ގުޅިގެން ބަލަންޖެހޭ ކަންކަން، ކަމާ ގުޅުންހުރި އިދާރާތަކާ ގުޅިގެން ބަލަމުންދާކަމަށް ފުލުހުން މަޢުލޫމާތުދެއެވެ.
މި މައްސަލައާއި ގުޅުންހުރި އިތުރު މަޢުލާމާތު ފުލުހުން ހާމަކޮށްފައެއް ނުވެއެވެ.
Ads by MSS
