ލ. ގަން ތުނޑީ އަވަށުގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފި

ލ. ގަން ތުނޑީ އަވަށުގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފި އެވެ.

ދިވެހި ފުލުހުންގެ ޚިދުމަތުން ވިދާޅުވީ، ލ. ގަން ތުނޑީ އަވަށުގެ މާފަތް މަގާއި އިޖުތިމާއީ ހިނގުން ގުޅުނު ހަތަރު އަނގޮޅީގައި އެކްސިޑެންޓެއް ހިނގާފައިވާ ކަމަށެވެ.

އެގޮތުން، މި ސަރަޙައްދުގައި  ކާރަކާއި ސައިކަލެއް ޖެހި އެކްސިޑެންޓެއް ވެފަައިވާ މައްސަލައެއް މިހިނގާ މާރިޗު މަހުގެ 7 ވަނަ ދުވަހުގެ ރޭ 21:39 ހާއިރު ފުލުހުންނަށް ރިޕޯޓުކޮށްފައިވާކަމަށް އެ ޚިދުމަތުން ވިދާޅުވިއެވެ. ހަމަ އެހެންމެ، މި އެކްސިޑެންޓުގައި ހިމެނޭ ސައިކަލުގައި ތިބި ދެމީހުންނަށް އަނިޔާވެގެން ހޮސްޕިޓަލުގައި ފަރުވާދެމުންދާކަމަށް ފުލުހުން މަޢުލޫމާތުދީފައިވާއިރު، އެމީހުންނަށް ލިބިފައިވާ އަނިޔާގެ ތަފްޞީލް ހާމައެއް ނުކުރެއެވެ.

މި މައްސަލަ ފުލުހުން ގެންދަނީ އިތުރަށް ތަޙުޤީގުކުރަމުންނެވެ.