މަސް މާރުކޭޓު ސަރަޙައްދުން ޤަވާއިދާ ޚިލާފަށް ވިޔަފާރިކުރަމުންދިޔަ 39 ބިދޭސީން ހައްޔަރުކޮށްފިި

މާލޭ މަސް މާރުކޭޓު ސަރަޙައްދުގައި ޤަވާއިދާ ޚިލާފަށް ވިޔަފާރިކުރަމުންދިޔަ 39 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދު ޝަމްޢާން ވަހީދު ވިދާޅުވީ، މަސް މާރުކޭޓު ސަރަޙައްދުގައި ބިދޭސީން ވިޔަފާރިކޮށް ކޮންޓްރޯލް ކުރަމުންދިއަ މަސް ބޯޓުތަކާއި ގުޅިގެން ގިނަ ބަޔަކު ކަންބޮޑުވުން ފާޅުކޮށްފައިވާ ކަމަށެވެ. އެކަމާ ގުޅިގެން އިމިގްރޭޝަންގެ ޓާސްކު ފޯހުން ވަނީ އެ ސަރަހައްދުގައި އަޅާފައިވާ މަސް ބޯޓުތައް ބަލައި ފާސްކޮށް 39 މީހަކު އިމިގްރޭޝަންގެ ބަންދަށް ގެންގޮސްފައި ކަމަށް ޝަމްޢާން ވިދާޅުވެފައިވެއެވެ. 

މަސް މާރުކޭޓު ސަރަހައްދުގައި ބިދޭސީން ވިޔަފާރިކޮށް ކޮންޓްރޯލް ކުރަމުންދިއަ މަސް ބޯޓުތަކާއި ގުޅިގެން ގިނަ ބަޔަކު ކަންބޮޑުވުން ފާޅުކޮށްފައިވާތީ ޓާސްކު ފޯހުން ވަނީ މިއަދު މި ސަރަހައްދުގައި އަޅާފައިވާ މަސް ބޯޓުތައް ބަލައި ފާސްކޮށް 39 މީހަކު އިމިގްރޭޝަންގެ ބަންދަށް ގެނެވިފަ.… pic.twitter.com/mFC0UTCCFI

— Mohamed Shamaan Waheed (@ShamaanW) November 18, 2024

ރާއްޖޭގައި ޤަވާއިދާ ޚިލާފަށް އުޅޭ ބިދޭސީން ދެނެގަތުމަށް ހިންގާ ޚާއްސަ އޮޕަރޭޝަންގެ ދަށުން މި މަހުގެ މިހާތަނަށް 60އަށްވުރެ ގިނަ ބިދޭސީން އިމިޤްރޭޝަންގެ ބެލުމުގެ ދަށަށް ވަނީ ގެންގޮސްފައެވެ. 
ޤާނޫނާއި ޤަވައިދާ ޚިލާފަށް ރާއްޖޭގައި ދިރިއުޅެމުންދާ ބިދޭސީ ފަރާތްތައް ހޯދާ އެ ފަރާތްތައް ޤަވައިދުގެ ތެރެއަށް ވެއްދުމަށް ގިނަ މަސައްކަތްތަކެއް މޯލްޑިވްސް އިމިޤްރޭޝަނުން ދަނީ ކުރަމުންނެއެވެ. އެގޮތުން ތަފާތުއެކި ރެއިޑްތަކާއި ޕްރޮގްރާމްތައް ކަމާއި ގުޅުން ހުރި އިދާރާތަކާއި ގުޅިގެން ދަނީ ހިންގަމުންނެވެ.