ރައްކާ ރޯޑް ސޭފްޓީ ކެމްޕެއިން ކުރިއަށް ގެންދިއުމަށް 3 ކުންފުންޏަކާއެކު އެއްބަސްވުމެއް

މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް "ރައްކާ ރޯޑް ސޭފްޓީ ޕާޓްނަޝިޕް" ކުރިއަށް ގެންދިއުމަށް 3 ކުންފުންޏަކާއެކު ދިވެހި ފުލުހުންގެ ޚިދުމަތުން އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި ފުލުހުންނާއެކު ސޮއިކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއި، ޝީޝާ ޕްރައިވެޓް ލިމިޓެޑާއި، އަވަސް އެންޓަރޕްރައިސަސް ޕްރައިވެޓް ލިމިޓެޑެވެ.

މި އެއްބަސްވުންތަކުގައި ދިވެހި ފުލުހުންގެ ޚިދުމަތުގެ ފަރާތުން ސޮއިކުރެއްވީ ކޮމިޝަނަރ އޮފް ޕޮލިސް އަޙްމަދު މުޙައްމަދެވެ. މި އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރ އަހުމަދު ސައުދީއެވެ. އަދި ޝީޝާގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ސީއީއޯ އިބްރާހިމް ހުޝާމްއެވެ. މީގެ އިތުރުން، އަވަސް އެންޓަޕްރައިސަސްގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ މުޙައްމަދު ޔާނު ރަމީޒްއެވެ.

The Maldives Police Service joined hands with @MTCCPlc, Sheesha Pvt. Ltd., and Avas Enterprises Pvt. Ltd. for the Rakka Road Safety Campaign.

On behalf of the police, @PoliceMvCP Ahmed Mohamed signed the MoU. The agreement was also signed by Deputy Commissioner of Police… pic.twitter.com/zmfzmBxb3H

— Maldives Police (@PoliceMv) April 9, 2026

ދިވެހި ފުލުހުންގެ ޚިދުމަތުން ވިދާޅުވީ، މި ކެމްޕެއިންގެ ހަރަކާތްތައް މާލެއާއި އަތޮޅުތެރޭގައި ކުރިއަށް ގެންދިއުމަށް ހަމަޖެހިފައިވާ ކަމަށެވެ. އަދި މި ކެމްޕެއިންގެ ތެރެއިން މަގުމަތީގެ ޤަވާއިދުތަކަށް ހޭލުންތެރިކުރުމުގެ ވީޑިއޯ ކްލިޕާއި، އެކްސިޑެންޓް ރޯލްޕްލޭތަކާއި، ޓީވީ ޕްރޮގްރާމާއި ޢާންމުން ގިނައިން އެއްވެ އުޅޭ ތަންތަނުގައި ބިލް ބޯޑު ބަހައްޓައިގެން ހޭލުންތެރިކަން އިތުރުކުރުމުގެ މެސެޖުތައް ފޯރުވައިދޭނެކަމަށް އެ ޚިދުމަތުން މަޢުލޫމާތުދެއެވެ.

"ދިވެހި ފުލުހުންގެ ޚިދުމަތުން "ރައްކާ ކެމްޕެއިން" އެންމެ ފުރަތަމަ ބާއްވާފައިވަނީ 2014 ވަނަ އަހަރުއެވެ.