ފުވައްމުލަކު ސިޓީގައި ޤާއިމްކުރާ ފުލުހުންގެ އެކޮމޮޑޭޝަން ބްލޮކުގެ މަސައްކަތް ބާރު ސްޕީޑުގައި އެބަ ކުރިއަށްދޭ: އެމްޓީސީސީ

ފުވައްމުލަކު ސިޓީގައި ޤާއިމްކުރާ ފުލުހުންގެ އެކޮމޮޑޭޝަން ބްލޮކުގެ މަސައްކަތް ބާރު ސްޕީޑުގައި ކުރިއަށްދާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ވިދާޅުވެއްޖެއެވެ.

ފުލުހުންގެ އެކޮމޮޑޭޝަންގެ ބްލޮކްގެ ޢަމަލީ މަސައްކަތް ރަސްމީކޮށް ފަށާފައިވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފުވައްމުލަކަަށް މިދިޔަ އަހަރުގެ ނޮވެމްބަރު މަހުގެ 4 ވަނަ ދުވަހު ކުރެއްވި ޒިޔާރަތުގައެވެ.

އެމްޓީސީސީން ވިދާޅުވީ، މި އެކޮމޮޑޭޝަން ބްލޮކުގެ މަސައްކަތްތަކުގެ ދަށުން މިހާރު ކުރިއަށްދަނީ ފައުންޑޭޝަން ބީމް ޝަޓަރިން އާއި ރިއިންފޯސްމަންޓް ގެ މަސައްކަތްތައް ކަމަށެވެ. މި މަޝްރޫޢުގެ ދަށުން، ފުވައްމުލައް ސިޓީގައި ތައްޤީކުރާ އެކޮމަޑޭޝަން ބްލޮކަކީ 11،946 އަކަފޫޓުގެ ސަރަޙައްދެއްގައި 3 ފަންގިފިލާއަށް އިމާރާތްކުރާ ތަނެއްކަމަށް އެމްޓީސީސީން ވަނީ ވިދާޅުވެފައެވެ. އަދި އެއިން ކޮންމެ ފަންގިފިލާއެއްގައި 3982 އަކަފޫޓު ހުންނާނެކަމަށް އެމްޓީސީސީން މަޢުލޫމާތުދެއެވެ.

Project Update: Construction of Gn. Fuvahmulah Police Accomodation Block

Foundation beam shuttering and reinforcement works are onging.

Follow more updates at: https://t.co/SfVAzkW2pp #MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/2FFXDMUIhr

— MTCC Plc (@MTCCPlc) April 20, 2026

ފުލުހުންގެ ޚިދުމަތުގެ ފެންވަރު ރަނގަޅުކޮށް، ގިނަ ފުލުހުންނަށް ތިބެވޭނެ ގޮތަށް ޒަމާނީ ވަޞީލަތްތައް ހިމެނޭހެން ފުލުހުންގެ އިމާރާތްތައް އެޅުމަކީ ސަރުކާރުގެ ބޮޑު އަމާޒެއްކަން ފާހަގަކޮށްލެވެއެވެ.

މި މަޝްރޫޢަކީ، 19.17 މިލިއަން ރުފިޔާއަށް 360 ދުވަސްތެރޭ ނިންމަން ސަރުކާރުން އެމްޓީސީސީއާ ހަވާލުކޮށްފައިވާ މަޝްރޫޢެކެވެ.