ލަންކާ ހައިކޮމިޝަނުން އިންތިޒާމުކޮށްގެން ޚާއްސަ ލޭ ހަދިޔާކުރުމުގެ ކޭމްޕެއް ބާއްވަނީ

ދިވެހިރާއްޖޭގައި ދިރިއުޅޭ ސްރީލަންކާގެ ރައްޔިތުންގެ ފަރާތުން ދިވެހި ރައްޔިތުންނަށް އޮތް ގާތްކަމާއި އެކުވެރިކަން ހާމަކުރުމުގެ މަޤުސަދުގައި، ސްރީލަންކާގެ ހައިކޮމިޝަނުން އިންތިޒާމުކޮށްގެން ލޭ ހަދިޔާކުރުމުގެ ޚާއްސަ ކޭމްޕެއް ބޭއްވުމަށް ނިންމައިފިއެވެ.

މޯލްޑިވްސް ބްލަޑް ސަރވިސަސްއާއި ސްޓެލްކޯއާ ގުޅިގެން ކުރިއަށްގެންދާ މި ހަރަކާތް ބޭއްވުމަށް ހަމަޖެހިފައިވަނީ އަންނަ ޖޫން މަހުގެ 5 ވާ ހުކުރު ދުވަހުއެވެ.

ސްރީލަންކާގެ ހައިކޮމިޝަނުން ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ، މި ކޭމްޕް ކުރިއަށްދާނީ ސްޓެލްކޯ ހެޑް އޮފީހުގެ 5 ވަނަ ފަންގިފިލާގައި ހުންނަ އޮޑިޓޯރިއަމްގައެވެ. ލޭ ހަދިޔާކުރުމުގެ މަސައްކަތް ކުރިއަށްދާނީ އެ ދުވަހުގެ މެންދުރުފަހު 2:00 އިން ފެށިގެން ހަވީރު 6:00 އާ ހަމައަށެވެ.

މި ކޭމްޕާ ގުޅޭގޮތުން ހައިކޮމިޝަނުން ވިދާޅުވީ، މިއީ ދެ ގައުމުގެ ދެމެދުގައި އޮތް ގާތް ގުޅުން ރަމްޒުކޮށްދޭ އަދި އިންސާނިއްޔަތަށްޓަކައި ކުރެވޭ މުހިންމު މަސައްކަތެއް ކަމަށެވެ. އެހެންކަމުން، ރާއްޖޭގައި ދިރިއުޅޭ ވީހާވެސް ގިނަ ސްރީލަންކާ ރައްޔިތުން މި ކޭމްޕުގައި ބައިވެރިވެ ލޭ ހަދިޔާކުރުމަށް ހައިކޮމިޝަނުން ވަނީ އެދިލައްވާފައެވެ.

މި ކޭމްޕްގައި ބައިވެރިވާން ބޭނުންވާ ފަރާތްތަކުން ރަޖިސްޓްރީ ކުރުމަށްޓަކައި، ހައިކޮމިޝަނުން އާންމުކޮށްފައިވާ ޕޯސްޓުގައިވާ ކިއުއާރު ކޯޑު ނުވަތަ ލިންކު މެދުވެރިކޮށް ރަޖިސްޓްރީ ކުރެވޭނެ އިންތިޒާމު މިހާރު ވަނީ ހަމަޖައްސާފައެވެ.

ދިވެހިރާއްޖެއާއި ސްރީލަންކާއާ ދެމެދު ޚާރިޖީ ގުޅުން ގާއިމުކުރިތާ 60 އަހަރު ފުރިފައިވާއިރު، ލަންކާއަކީ ރާއްޖެއާ އިޖުތިމާއީ އަދި އިގުތިސާދީ ގޮތުން އެތައް ގޮތަކުން ގުޅިފައިވާ އަވަށްޓެރި ގައުމެކެވެ. މިފަދަ ހަރަކާތްތަކުގެ ސަބަބުން ދެ ގައުމުގެ ރައްޔިތުންގެ މެދުގައި އޮތް ޒަމާންވީ އެކުވެރިކަން އިތުރަށް ބަދަހިވެގެންދާނެއެވެ.
br<

We invite all Sri Lankans living in the Maldives
to participate in this meritorious endeavour and show your solidarity and friendship towards the people of the Maldives! 🇱🇰🤝🇲🇻
Register 👉 https://t.co/rQiI7hn2j6 See less See less pic.twitter.com/U3BeQuZ6Nq

— Sri Lanka in Maldives (@SLinMaldives) May 17, 2026