ފެނަކަ އާއި ސަލަފް ގުޅިގެން ފެނަކަ މުވައްޒިފުންނަށް ޚާއްސަ ތަމްރީނުތަކެއް ކުރިއަށްގެންދަނީ

ފެނަކަ އިންސްޓިޓިއުޓް ފޯ ޓްރޭނިންގ އެންޑް ރިސާޗާއި، ޖަމްޢިއްޔަތުއްސަލަފްގެ ޢުޔޫން އިންސްޓިޓިއުޓް ގުޅިގެން ފެނަކަ ކޯޕަރޭޝަންގެ މުވައްޒަފުންނަށް އަމާޒުކޮށްގެން ޚާއްޞަ ތަމްރީނު ޕްރޮގްރާމެއް މިއަދު އިފްތިތާޙުކޮށްފިއެވެ.

"އިސްލާމީ ބަހާތަކުން ކާމިޔާބު މުވައްޒަފަކަށް" މި ނަމުގައި ކުރިއަށްގެންދާ މި ޕްރޮގްރާމަކީ މުވައްޒަފުންގެ ހުނަރާއި އަޚުލާޤު ކުރިއެރުވުމަށް ފެށި މުހިންމު މަސައްކަތެކެވެ.

މި ތަމްރީނު ޕްރޮގްރާމް މައިގަނޑު ގޮތެއްގައި ފަރުމާކޮށްފައިވަނީ ކުންފުނީގެ އެކި ފަންތީގެ އިސްވެރިންނަށް ބޭނުންވާ އިދާރީ ހިންގުމުގެ އިރުޝާދުތައް ފޯރުކޮށްދިނުމަށެވެ. މީގެ އިތުރުން، މުވައްޒަފުންގެ މަސައްކަތުގެ އަޚުލާޤާއި ސުލޫކު އިސްލާމީ ރަނގަޅު އުސޫލުތަކުގެ މަތީގައި ބިނާކޮށް، މަސައްކަތުގެ މާހައުލަކީ ހަރުދަނާ ތަނަކަށް ހެދުމަށް މި ޕްރޮގްރާމްގެ ތެރެއިން ބާރުއަޅާނެއެވެ.

ފެނަކަ އިންސްޓިޓިއުޓް ފޯ ޓްރޭނިންގ އެންޑް ރިސާޗާއި، ޖަމްޢިއްޔަތުއްސަލަފްގެ ޢުޔޫން އިންސްޓިޓިއުޓް ގުޅިގެން "އިސްލާމީ ބަހާތަކުން ކާމިޔާބު މުވައްޒަފަކަށް" މި ނަމުގައި ޚާއްޞަ ތަމްރީނު ޕްރޮގްރާމެއް އިފްތިތާޙުކޮށްފިއެވެ.

މި ޕްރޮގްރާމް ފަރުމާކޮށްފައިވަނީ ކުންފުނީގެ އިސްވެރިންނަށް… pic.twitter.com/im2CnazY3H

— Fenaka Corporation Ltd (@TeamFenaka) June 20, 2026

މިއީ މުޅި ރާއްޖޭގެ އެކި ކަންކޮޅުތަކުގައި މަސައްކަތްކުރާ ފެނަކައިގެ ހުރިހާ މުވައްޒަފުން ޝާމިލުވާ ގޮތަށް، ދިގު މުއްދަތަކަށް ކުރިއަށް ގެންދިއުމަށް ރޭވިފައިވާ ވަރަށް ފުޅާ ހަރަކާތެކެވެ. މި ޕްރޮގްރާމްގެ ސަބަބުން ކުންފުނީގެ ޚިދުމަތްތަކުގެ ފެންވަރު ރަނގަޅުވެ، މުވައްޒަފުންގެ މެދުގައި އޮންނަ ގުޅުން އިތުރަށް ބަދަހިވެގެންދާނެ ކަމަށް ފެނަކައިން އުންމީދު ކުރެއެވެ.