މާދަމާ ބީއެމްއެލްގެ ހިދުމަތް 30 މިނެޓަށް މެދު ކެނޑިގެން ހިނގައިދާނެ

މާދަމާ ބޭންކުގެ ހިދުމަތްތައް 30 މިނެޓަށް މެދު ކެނޑިގެން ހިނގައިދާނެ ކަމަށް، ބޭންކް އޮފް މޯލްޑިވްސް (ބީއެމްއެލް) ގެ ކާޑް ސަރވިސަސް އިން ބުނެފިއެވެ.

އެކްސްގައި ހިއްސާކުރި ޕޯސްޓެއްގައި ބީއެމްއެލްއިން ބުނެފައިވަނީ 26 ޖޫން 2026 ވާ ހުކުރު ދުވަހުގެ ދަންވަރު 1:30 އިން 2:00 އާއި ދެމެދު ޝެޑިއުލްޑް މެއިންޓެނެންސް މަސައްކަތްތައް ކުރުމަށް ހަމަޖެހިފައިވާތީ، 30 މިނެޓަށް ބޭންކުގެ ހިދުމަތްތައް މެދުކެނޑިގެން ހިނގައިދާނެ ކަމަށެވެ.

އަދި މިކަމާއި ގުޅިގެން ދިމާވެދާނެ ދަތިތަކަށް ބޭންކުން ވަނީ ނިހާޔަތަށް މާފަށް އެދިފައެވެ.

We will be carrying out a scheduled maintenance on Friday, 26 June 2026, from 1:30 AM – 2:00 AM.

During this period, the following service may be temporarily unavailable for 30 minutes:

- Card Services

We apologize for any inconvenience and appreciate your patience as we work…

— Bank of Maldives (@bankofmaldives) June 25, 2026

ބީއެމްއެލްއަކީ މިވަގުތު ރާއްޖޭގައި ހުރި އެންމެ ބޮޑު ބޭންކަށް ވާއިރު، އެ ބޭންކުގެ ހިދުމަތް ބޭނުންކުރާ މީހުންގެ އަދަދު ދަނީ ދުވަހެއް ދުވަހަކުން އިތުރުވަމުންނެވެ. އަދި މިއީ ދިވެހީންގެ ބޭންކުގެ ގޮތުގައި ވެސް ގިނަ ބަޔަކު ދެކެމުން އަންނަ ބޭންކެވެ. 

ބީއެމްއެލްއިން އަންނަނީ ރައްޔިތުންނަށް ޓަކައި އެތައް ހިދުމަތްތަކެއް ފޯރުކޮށްދެމުންނެވެ. އެގޮތުން ބިޒްނަސް ބޭންކިންގެ ހިދުމަތްތަކާއި، ކާޑުންދޭ ހިދުމަތްތަކާއި، އިންޓަނެޓް ބޭންކިންގް ބެދުވެރިކޮށްދޭ ހިދުމަތްތައް ފާހަގަކޮށްލެވެއެވެ.