ސްޓެލްކޯގެ ޔުނިޓް ހެޑުންނަށް އަމާޒުކޮށްގެން ހިންގި ލީޑަރޝިޕް ޕްރޮގްރާމް ނިންމާލައިފި

ސްޓޭޓް އިލެކްޓްރިކް ކޮމްޕެނީ (ސްޓެލްކޯ) ގެ މުސްތަގުބަލަށް ބޭނުންވާ ގާބިލު ލީޑަރުން ބިނާކުރުމުގެ މަގުސަދުގައި، އެ ކުންފުނީގެ ޔުނިޓް ހެޑުންނަށް އަމާޒުކޮށްގެން ކުރިއަށްގެންދިޔަ 'އޯގަނައިޒޭޝަނަލް ލީޑަރޝިޕް ރެޑިނަސް ޕްރޮގްރާމް' މިއަދު ކާމިޔާބުކަމާއެކު ނިންމާލައިފިއެވެ.

ސްޓޭޓް ޔުޓިލިޓީ ސްކިލްސް އެކަޑަމީގައި ކުރިއަށްގެންދިޔަ މި ތަމްރީނު ޕްރޮގްރާމަކީ ދެ ދުވަހުގެ މުއްދަތަށް ބަހާލައިގެން ކުރިއަށްގެންދިޔަ ޕްރޮގްރާމެކެވެ. މި ޕްރޮގްރާމްގެ މައިގަނޑު ބޭނުމަކީ ކުންފުނީގެ މަސައްކަތުގެ މާހައުލު ބައްޓަންކުރުމާއި މުވައްޒަފުން ކުރިއެރުވުމުގައި ޔުނިޓް ހެޑުން އަދާކުރާ މުހިންމު ދައުރު އިތުރަށް ހަރުދަނާކުރުމެވެ.

މި ކުންފުނީގެ މުސްތަގުބަލަށް ބޭނުންވާ ގާބިލު ލީޑަރުން ބިނާކުރުމުގެ މަގުސަދުގައި، ޔުނިޓް ހެޑުންނަށް އަމާޒުކޮށްގެން ކުރިއަށްގެންދިޔަ 'އޯގަނައިޒޭޝަނަލް ލީޑަރޝިޕް ރެޑިނަސް ޕްރޮގްރާމް' މިއަދު ވަނީ ކާމިޔާބުކަމާއެކު ނިންމާލާފައި. ސްޓޭޓް ޔުޓިލިޓީ ސްކިލްސް އެކަޑަމީގައި ދެ ދުވަހަަކަށް… pic.twitter.com/BheDeH2IP2

— STELCO (@STELCOMALDIVES) June 30, 2026

ސްޓެލްކޯއިން ހާމަކުރި ގޮތުގައި، މިފަދަ ތަމްރީނު ޕްރޮގްރާމްތައް މެދުވެރިކޮށް ކުންފުނީގެ ލަނޑުދަނޑިތައް ހާސިލުކުރުމަށް އިތުރު ހިތްވަރެއް ލިބިގެންދާނެއެވެ. އަދި މިއީ ކުންފުނީގެ ހިންގުން ހަރުދަނާކޮށް، މުސްތަގުބަލުގައި ކުންފުނި ހިންގުމާ ހަވާލުވާނެ ގާބިލު ޖީލެއް ބިނާކުރުމަށް ކުރެވޭ މުހިންމު މަސައްކަތެއްގެ ގޮތުގައި އެ ކުންފުނީން ފާހަގަކުރެއެވެ.