ނޭކުރެންދޫގެ ކަރަންޓުގެ ޚިދުމަތް ހަރުދަނާކުރުމަށް ޖެންސެޓް ކޭބަލްތައް އާކުރަން ފަށައިފި

ހދ. ނޭކުރެންދޫގެ އިންޖީނުގޭގެ ޚިދުމަތް އިތުރަށް ހަރުދަނާކުރުމަށްޓަކައި، އެ ރަށުގައި ބޭނުންކުރާ 400 ކިލޯވޮޓްގެ ޖެންސެޓާއި ކޮންޓްރޯލް ޕެނަލްއާ ދެމެދު އަޅާފައިވާ ކޭބަލްތައް އާކުރުމުގެ އަމަލީ މަސައްކަތް ފެނަކަ ކޯޕަރޭޝަނުން ފަށައިފިއެވެ.

މި މަސައްކަތަކީ ނޭކުރެންދޫގެ ކަރަންޓުގެ ޚިދުމަތުގެ ފެންވަރު މަތިކޮށް، ޓެކްނިކަލް ގޮތުން ދިމާވާ ދަތިތަކަށް ދާއިމީ ހައްލެއް ހޯދުމަށްޓަކައި ކުރިއަށްގެންދާ މުހިންމު މަސައްކަތެކެވެ. މި ބަދަލާއެކު، ޖެންސެޓުން އުފައްދާ ހަކަތަ އެންމެ ފުރިހަމަ ގޮތުގައި ވިއުގައަށް ފޯރުކޮށްދިނުމަށް މަގުފަހިވެގެންދާނެ ކަމަށް ބެލެވެއެވެ.

ހދ. ނޭކުރެންދޫ އިންޖީނުގޭގެ ޚިދުމަތް އިތުރަށް ހަރުދަނާކުރުމަށްޓަކައި، އެ ރަށުގައި ބޭނުންކުރާ 400 ކިލޯވޮޓްގެ ޖެންސެޓާއި ކޮންޓްރޯލް ޕެނަލްއާ ދެމެދު އަޅާފައިވާ ކޭބަލްތައް އާކުރުމުގެ މަސައްކަތް ފަށައިފިއެވެ. މި އީ ނޭކުރެންދޫގެ ކަރަންޓުގެ ޚިދުމަތުގެ ފެންވަރު މަތިކޮށް، ޓެކްނިކަލް… pic.twitter.com/UsG5hlcyi8

— Fenaka Corporation Ltd (@TeamFenaka) July 1, 2026

ފެނަކައިން މައުލޫމާތު ދޭ ގޮތުގައި، މި މަޝްރޫއުގެ ސަބަބުން ރަށުގެ ކަރަންޓުގެ ޚިދުމަތް އިތުރަށް އިތުބާރުހުރި އަދި ދެމެހެއްޓެނިވި ގޮތެއްގައި ރައްޔިތުންނަށް ފޯރުކޮށްދެވޭނެއެވެ. މިއީ އެ ރަށުގެ ކަރަންޓުގެ ވިއުގަ ޒަމާނީ ފެންވަރަށް ތަރައްގީކޮށް، ހަކަތައިގެ ރައްކާތެރިކަން ކަށަވަރުކުރުމަށް ކުރެވެމުންދާ މަސައްކަތްތަކުގެ ތެރެއިން ހިމެނޭ މުހިންމު ފިޔަވަޅެކެވެ.