އީޓުކުރި އިންޓަނޭޝަނަލްއިން ވޯލްޑް ކަޕްއާ ދިމާކޮށް ބޮޑު އިނާމެއް ލިބޭ ޕްރޮމޯޝަނެއް ފަށައިފި

ފީފާ ވޯލްޑް ކަޕް 2026 އާ ދިމާކޮށް، ރާއްޖޭގައި އޮންލައިންކޮށް ވިޔަފާރިކުރާ ފަރާތްތަކަށް ހާއްސަ އިނާމުތަކެއް ލިބޭ "ޝޮޕް، ޝިޕް އެންޑް ސްކޯ ބިގް" ޕްރޮމޯޝަން އީޓުކުރި އިންޓަނޭޝަނަލްއިން ފަށައިފިއެވެ.

މި ޕްރޮމޯޝަނުގެ ދަށުން، އީޓުކުރި މެދުވެރިކޮށް ޔޫއެސްއިން މުދާ ގެންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް 5،000 ރުފިޔާގެ ފައިސާގެ އިނާމެއް ދިނުމަށް ވަނީ ހަމަޖެހިފައެވެ.

މި ޕްރޮމޯޝަން ކުރިއަށްދާ މުއްދަތުގައި އީޓުކުރި މެދުވެރިކޮށް ކުރާ ކޮންމެ ބައިނަލްއަގުވާމީ ޝިޕްމަންޓަކަށް ލަކީ ޑްރޯގައި ބައިވެރިވުމުގެ ފުރުސަތު އޮޓޮމެޓިކުން ލިބިގެންދާނެއެވެ. އަދި ކަސްޓަމަރަކު ކުރާ ޝިޕްމަންޓްތައް ގިނަވިވަރަކަށް، މި ބޮޑު އިނާމު ކާމިޔާބު ކުރުމުގެ ފުރުސަތު ބޮޑުވެގެންދާނެއެވެ.

ނަސީބުވެރި ފަރާތް ހޮވުމަށް ހަމަޖެހިފައިވަނީ 2026 ވަނަ އަހަރުގެ ފީފާ ވޯލްޑް ކަޕް ނިމުމުން، ހާމަކަން ބޮޑު އަދި އިންސާފުވެރި ގުރުއަތަކުންނެވެ.

މި ޕްރޮމޯޝަނުގައި ބައިވެރިވުމަކީ ވަރަށް ފަސޭހަ ކަމެކެވެ. އަލަށް ރަޖިސްޓްރީވާ ކަސްޓަމަރުންނަށް އީޓުކުރި އިންޓަނޭޝަނަލްގައި އެކައުންޓެއް ހުޅުވުމުން، ބޭރު ގައުމުތަކުގެ ޚާއްސަ އެޑްރެސްތައް ލިބިގެންދާނެއެވެ. މީގެ އިތުރުން، އަލަށް ގުޅޭ ފަރާތްތަކަށް މަރުހަބާ ކިޔުމުގެ ގޮތުން، ފުރަތަމަ ކުރާ ޝިޕްމަންޓުން 20 އިންސައްތައިގެ ޑިސްކައުންޓެއް ލިބޭނެއެވެ. މި ޑިސްކައުންޓް ހޯދުމަށް ބޭނުންކުރަން ޖެހޭ ޕްރޮމޯ ކޯޑަކީ "MVWELCOME20" އެވެ.

އީޓުކުރި މެދުވެރިކޮށް ކަސްޓަމަރުންނަށް ދުނިޔޭގެ މަޝްހޫރު އޮންލައިން ފިހާރަތަކުން ވިޔަފާރިކޮށް، އެތަކެތި އީޓުކުރީގެ ބޭރު ގައުމުތަކުގެ އެޑްރެސްތަކަށް ފޮނުވޭނެއެވެ. އަދި އޮންލައިންކޮށް ޕޭމަންޓް ދެއްކުމުން، ރާއްޖޭގެ ކޮންމެ ހިސާބެއްގައި ހުރި ނަމަވެސް، އެ މީހެއްގެ ގޭގެ ދޮރުމައްޗާ ހަމައަށް ގެންގޮސްދޭނެއެވެ. 

މި ޕްރޮމޯޝަނަކީ ދުނިޔޭގެ އެންމެ ބޮޑު ފުޓްބޯޅަ އީދާ ދިމާކޮށް، ކަސްޓަމަރުންނަށް ފަސޭހަކަމާއެކު ބޭރުން މުދާ ގެނައުމުގެ ފުރުސަތު ފަހިކޮށްދީ، އަގުހުރި އިނާމެއް ހޯދުމުގެ މަގު ތަނަވަސްކޮށްދިނުމަށް ފެށި ކެމްޕޭނެކެވެ.

އީޓުކުރި އިންޓަނޭޝަނަލްއިން ދައުވަތު ދެނީ މި ފޯރިގަދަ ވޯލްޑް ކަޕް ސީޒަނުގައި، އެންމެ ފަހުގެ އިލެކްޓްރޯނިކްސް، ފެޝަން، ނުވަތަ ކުޅިވަރު ސާމާނު ގެނައުމަށް އީޓުކުރީގެ ޚިދުމަތް ބޭނުންކޮށްގެން އިނާމު ކާމިޔާބު ކުރުމަށް މަސައްކަތް ކުރުމަށެވެ.