މ. ނާލާފުއްޓަށް 176 ކިލޯވޮޓުގެ އާ ޖެނެރޭޓަރެއް ގެންގޮސްފި

މ. ނާލާފުށީގެ ކަރަންޓުގެ ޚިދުމަތް އިތުރަށް ހަރުދަނާކޮށް، ޚިދުމަތުގެ ކެޕޭސިޓީ އިތުރުކުރުމަށްޓަކައި އެ ރަށަށް އާ ޖެނެރޭޓަރެއް ގެންގޮސްފިއެވެ.

މި މަސައްކަތަކީ ކަރަންޓުގެ ޚިދުމަތް ދޭ ކުންފުނީގެ ޚިދުމަތުގެ ފެންވަރު މަތިކުރުމަށް ކުރިއަށްގެންދާ މަޝްރޫޢުގެ ދަށުން ކުރެވުނު މަސައްކަތެކެވެ. މިގޮތުން ނާލާފުއްޓަށް ގެންގޮސްފައިވަނީ 176 ކިލޯވޮޓުގެ ޖެނެރޭޓަރެކެވެ.

މި ކުންފުނީގެ ޚިދުމަތުގެ ކެޕޭސިޓީ އިތުރުކުރުމުގެ މަސައްކަތުގެ ތެރެއިން، މ. ނާލާފުއްޓަށް 176 ކިލޯވޮޓުގެ އިތުރު ޖަނަރޭޓަރެއް ގެންގޮސް ކޮމިޝަންކުރުމުގެ މަސައްކަތް މިހާރު ދަނީ ކުރެވެމުން. pic.twitter.com/6jgqtKGGWM

— STELCO (@STELCOMALDIVES) July 6, 2026

ކުންފުނިން މަޢުލޫމާތު ދޭ ގޮތުގައި، މިހާރު ކުރިއަށްދަނީ މި ޖެނެރޭޓަރު އިންސްޓޯލްކޮށް، ކޮމިޝަންކުރުމުގެ އެންމެ ފަހުގެ މަސައްކަތްތަކެވެ. މި އާ ޖެނެރޭޓަރާއެކު ރަށުގެ ކަރަންޓުގެ ޚިދުމަތަށް ދިމާވާ ދަތިތަކަށް ޙައްލެއް ލިބި، އިތުބާރު ބޮޑު ޚިދުމަތެއް ރައްޔިތުންނަށް ފޯރުކޮށްދެވޭނެއެވެ.

މި ޖެނެރޭޓަރު ކޮމިޝަންކޮށް ނިމުމުން، ނާލާފުށީގެ ކަރަންޓު އުފެއްދުމުގެ ޤާބިލުކަން އިތުރުވެ، ކުރިއަށް އޮތް ތަނުގައި ރަށުގެ ކަރަންޓުގެ ޑިމާންޑަށް އެކަށީގެންވާ ޚިދުމަތެއް ދެވޭނެ ކަމަށް ސަރުކާރުން ދެކެއެވެ.