ބޯހިޔާވަހިކަމުގެ މަޢުލޫމާތު ފޯރުކޮށްދިނުމަށް ޚާއްސަ ވައިބަރ ކޮމިއުނިޓީތަކެއް ހަދައިފި

ސަރުކާރުގެ ބޯހިޔާވަހިކަމުގެ ސިޔާސަތުތަކާއި، "ބިންވެރިޔާ" ސްކީމްގެ އެންމެ ފަހުގެ މަޢުލޫމާތުތައް ރައްޔިތުންނަށް އަވަހަށް ފޯރުކޮށްދިނުމަށްޓަކައި ޚާއްސަ ވައިބަރ ކޮމިއުނިޓީ ގްރޫޕްތަކެއް މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓުން ހަދައިފިއެވެ.

ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން މަޢުލޫމާތު ދޭގޮތުގައި، މި ގްރޫޕްތައް ހެދުމުގެ މައިގަނޑު މަޤްޞަދަކީ ބޯހިޔާވަހިކަމުގެ މަޝްރޫޢުތަކާ ގުޅޭގޮތުން ސަރުކާރުން ނިންމާ ނިންމުންތަކާއި، ކުރިއަށްދާ މަސައްކަތްތަކުގެ ތަފްޞީލް ލަސްނުވެ ރައްޔިތުންނަށް ފޯރުކޮށްދިނުމެވެ. އެހެންކަމުން، ބޯހިޔާވަހިކަމުގެ ޕްރޮގްރާމްތަކުގެ އެންމެ ފަހުގެ މަޢުލޫމާތު ހޯދުމަށް މި ކޮމިއުނިޓީތަކާ ގުޅުމަށް އެ ވުޒާރާއިން ވަނީ އިލްތިމާސްކޮށްފައެވެ.

މި މަޝްރޫޢުގެ ދަށުން ޖުމްލަ 4 ވައިބަރ ކޮމިއުނިޓީއެއް ވަނީ އުފައްދާފައެވެ. އޭގެ ތެރޭގައި "ބިންވެރިޔާ" ސްކީމްގެ ދަށުން ގޯތި ލިބިފައިވާ ފަރާތްތަކަށް ޚާއްސަކޮށްގެން ތިން ސަރަޙައްދަކަށް ބަހާލައިގެން އުފައްދާފައިވާ ތިން ގްރޫޕެއް ހިމެނެއެވެ. އެއީ:

• "ބިންވެރިޔާ ހުޅުމާލެ" ވައިބަރ ކޮމިއުނިޓީ
• "ބިންވެރިޔާ ގުޅިފަޅު" ވައިބަރ ކޮމިއުނިޓީ
• "ބިންވެރިޔާ ގިރާވަރުފަޅު" ވައިބަރ ކޮމިއުނިޓީ
  

މީގެ އިތުރުން، ސަރުކާރުގެ ބޯހިޔާވަހިކަމުގެ ޢާންމު ސިޔާސަތުތަކާއި މަޢުލޫމާތުތައް ހިއްސާކުރުމަށް "ބޯހިޔާވަހިކަން އެންމެންނަށް" ނަމުގައި ވަކި ކޮމިއުނިޓީއެއް ވެސް ވަނީ ހަދާފައެވެ.

ބޯހިޔާވަހިކަން އެންމެންނަށް ސިޔާސަތާއި ބިންވެރިޔާ ސްކީމްގެ އެންމެ ފަހުގެ މަޢުލޫމާތުތައް ހޯދުމަށް ބޯހިޔާވަހިކަމުގެ ޕްރޮގްރާމުތަކުގެ ވައިބަރ ކޮމިއުނިޓީތަކާ ގުޅިވަޑައިގަންނަވާ!

ބޯހިޔާވަހިކަން އެންމެންނަށް: https://t.co/e4W0uX8ljQ

ބިންވެރިޔާ - ގުޅީފަޅު: https://t.co/hGdH2Qr87P… pic.twitter.com/CRk0qx965w

— Ministry of Infrastructure, Housing and Urban Dev. (@MIHUDmv) July 6, 2026

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ބޯހިޔާވަހިކަމުގެ މައްސަލައަށް ދާއިމީ ޙައްލެއް ހޯއްދަވައިދެއްވުމަށް ކުރައްވަމުންދާ މަސައްކަތުގެ ތެރެއިން، މި ފެށުނު މުޢާމަލާތު ކުރުމުގެ ނިޒާމުގެ ސަބަބުން ގޯތި ލިބިފައިވާ ފަރާތްތަކަށް ހުރި ކަންބޮޑުވުންތަކަށް އަވަސް ޖަވާބެއް ލިބި، މަޢުލޫމާތުގެ ސައްޙަކަން ކަށަވަރުވެގެންދާނެ ކަމަށް އެ ވުޒާރާއިން ބުނެއެވެ.