އެފްއެސްއެމްގެ ބާޖުތަކުގައި ތެލުގެ މިންވަރު ބަލާ ސިސްޓަމް ހަރުކުރަނީ

ފިއުލް ސަޕްލައިސް މޯލްޑިވްސް (އެފްއެސްއެން) އިން، އެ ކުންފުނިން ދެމުންގެންދާ ކަނޑުމަތީގެ ޚިދުމަތްތައް އިތުރަށް ހަރުދަނާކުރުމުގެ ގޮތުން، އެ ކުންފުނީގެ ތެޔޮ އުފުލާ ބާޖުތަކުގައި އޮޓޮމެޓިކް ޓޭންކް ގޭޖިންގ ސިސްޓަމް (އޭޓީޖީ) ހަރުކުރުމުގެ މަސައްކަތް ފަށައިފިއެވެ.

މިކަން ހާމަކޮށް އެ ކުންފުނިން އެކްސްގައި ކުރި ޕޯސްޓެއްގައި ހާމަކޮށްފައިވަނީ، މިއީ މިފަދަ ސިސްޓަމެއް އެ ކުންފުނީގެ ތެޔޮ އުފުލާ އުޅަނދުފަހަރެއްގައި ހަރުކުރާ ފުރަތަމަ ފަހަރުކަމަށެވެ.

އަދި މި ސިސްޓަމް ހަރުކުރުމުގެ ސަބަބުން، މެދުކެނޑުމެއްނެތި،  ސައްހަކޮށް ޓޭންކުތަކުގައި ތެޔޮހުރި މިންވަރު ބެލޭނެގޮތުގެ މަގު ފަހިވެގެންދާނޭކަމަށް، އެފްއެސްއެމްއިން ބުނެއެވެ. 

Work is underway on the installation of FSM’s first Automatic Tank Gauging (ATG) system onboard on one of our vessels.
This pilot project will enable continuous and accurate monitoring of tank volume, enhancing operational efficiency, and reliability across our marine fuel… pic.twitter.com/aYxKCPunqV

— FSM (@FuelSuppliesMv) July 12, 2026

އަދި ހަމައެހެންމެ، ކުންފުނީގެ އޮޕަރޭޝަންތައް މީގެ ސަބަބުން، ރައްކާތެރިކަމާއި ހަރުދަނާކުރެވި، ތެޔޮ ފޯރުކޮށްދިނުމުގައި އެ ކުންފުނިން ކުރަމުންއަންނަ މަސައްކަތްތައް އިތުބާރާއި ރައްކާތެރިކަމާއެކު ކަސްޓަމަރުންނާ ހަމައަށް ފޯރުކޮށްދެވޭނެކަމަށް ވެސް އެ ކުންފުނިން ވަނީ ބުނެފައެވެ.

އެ ކުންފުނިން މި މަޝްރޫޢު ފާހަގަކޮށްފައިވަނީ، ކުންފުނީގެ ޚިދުމަތްތައް ޒަމާނީ ފެންވަރަށް ތަރައްޤީކޮށް އަދި ޓެކްނޮލޮޖީގެ އެހީގައި މަސައްކަތްތައް އަވަސްކަމާއެކު ފަސޭހައިން ލިބޭނެގޮތް ހެދުމަށް ކުރެވިގެންދާ މުހިންމު މަސައްކަތެއްގެ ގޮތުގައެވެ.