ހުޅުމާލޭގައި ހިނގި މާރާމާރީއަކާއި ގުޅިގެން 16 އަހަރުގެ ކުއްޖެއް ހައްޔަރުކޮށްފި

ހުޅުމާލޭގައި ހިނގި މާރާމާރީއަކާއި ގުޅިގެން 16 އަހަރުގެ ކުއްޖެއް ދިވެހި ފުލުހުންގެ ހިދުމަތުގެ ބެލުމުގެދަށަށް ގެންގޮސްފިއެވެ. 

ފުލުހުން ވިދާޅުވީ، ހުޅުމާލޭ ފޭސް 2 ގެ ހިޔާ ޕާކު ސަރަހައްދުގައި ބަޔަކު މާރާމާރީ ހިންގާކަމުގެ މައުލޫމާތު އެ އިދާރާއަށް ލިބިފައިވަނީ 19 ޖުލައި 2026 ވަނަ ދުވަހުގެ ރޭ 20:40 ހާއިރުކަމަށެވެ. އަދި މި ރިޕޯޓު ލިބުމާއެކު، އެ އިދާރާއިން ވަނީ، އެ ސަރަހައްދުގައި ހަރަކާތްތެރިވާން ފަށާފައެވެ.

މި މައްސަލައާއި ގުޅިގެން، 16 އަހަރުގެ ދިވެހި ފިރިހެން ކުއްޖަކު ފުލުހުންގެ ބެލުމުގެދަށަށް ގެންގޮސްފައި ވާއިރު، އިތުރު މީހަކު ފުލުހުންގެ ބެލުމުގެދަށަށް ގެންގޮސްފައިވާ ކަމެއް އެ އިދާރާއިން ހާމަކޮށްފައެއްނުވެއެވެ. އަދި މި ހަމަނުޖެހުމުގައި އެއްވެސް މީހަކަށް ބޮޑު އަނިޔާއެއް ވެފައި ނުވާކަން ފުލުހުން ކަށަވަރުކޮށްދެއެވެ.

މާރާމާރީ ހިނގުމަށް މެދުވެރިވި ސަބަބު ފުލުހުން ހާމަކޮށްފައިވާއިރު، މި މައްސަލަ އިތުރަށް ތަހުގީގުކުރައްވަމުންދާކަމަށް އެ އިދާރާއިން ހާމަކުރެއެވެ.