ގައްދޫގައި އިމާރާތްކުރާ ހޮސްޕިޓަލުގެ ސަބް ސްޓްރަކްޗަރަލް މަސައްކަތް ދަނީ ކުރިއަށް: އެމްޓީސީސީ

ގ.ދ ގައްދޫގައި އިމާރާތްކުރާ ހޮސްޕިޓަލުގައި މިހާރު ކުރިއަށް ދަނީ ސަބް ސްޓްރަކްޗަރަލް މަސައްކަތް ކަމަށް، މި މަސައްކަތާ ހަވާލުވެފައިވާ ކުންފުނި، މޯލްޑިވްސް ޓްރާންސްޕޯޓް އެންޑް ކޮންސްޓްރަކްޝަން ކޮމްޕެނީ (އެމްޓީސީސީ) އިން ހާމަކޮށްފިއެވެ.

މިކަން ހާމަކުރައްވާ އެކްސަގައި ކުރެއްވި ޕޯސްޓެއްގައި އެ ކުންފުނިންވަނީ އެންމެ ފަހުގެ މަސައްކަތްތަކުގެ ފޮޓޯ ވެސް ހިއްސާކުރައްވާފައެވެ. 

މި މަޝްރޫޢުގެ މަސައްކަތް ފަށާފައިވަނީ މިދިޔަ ޑިސެންބަރު މަހުގެ 5 ވަނަ ދުވަހު ކަމަށްވާއިރު، އެ މަސައްކަތް  ރަސްމީކޮށް ފައްޓަވާދެއްވީ އޭރުގެ ޞިއްޙީ ވަޒީރު ޢަބްދުﷲ ނާޡިމް އިބްރާހީމެވެ.

Project Update: Construction of Gdh. Gadhdhoo Hospital

Sub-structural works are ongoing.

Follow more updates at: https://t.co/SfVAzkW2pp #MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/4rar7Z7Tws

— MTCC Plc (@MTCCPlc) July 20, 2026

މި މަޝްރޫޢުގެ ދަށުން 18،613 އަކަޓޫފުގެ ސަރަޙައްދެއްގައި 2 ފަންގިފިލާގެ އިމާރާތެއްގައި 30 އެނދުގެ ޞިއްޙީ ޚިދުމަތްދޭ ބްލޮކެއް ތަރައްޤީކުރާނެއެވެ. އަދި 2،563 އަކަފޫޓުގެ ސަރަޙައްދެއްގައި 1 ފަންގިފިލާގެ އެހެނިހެން ޚިދުމަތްދޭ ބްލޮކަކާއި، 3،573 އަކަފޫޓުގެ ސަރަޙައްދެއްގައި 2 ފަންގިފިލާގެ އެކޮމޮޑޭޝަން ބްލޮކެއް ހެދުމަށްވެސް ވަނީ ހަމަޖެހިފައެވެ.

އަދި މި މަޝްރޫއަށް، 101,709,593.68 މިލިޔަން ރުފިޔާ ޚަރަދުވާއިރު، މި މަސައްކަތް އެމްޓީސީސީއާ ޙަވާލުކޮށްފައިވަނީ 600 ދުވަހުގެ ތެރޭގައި މަސައްކަތް އެއްކޮށް ނިންމާގޮތަށެވެ.

މި އިމާރަތްވެގެންދާނީ،  ޒަމާނީ ފެންވަރަކަށް ތަރައްޤީކުރެވޭ ޖާގަ ތަނަވަސް  ހޮސްޕިޓަލަކަށް ކަމަށް ޞިއްޙީ ވުޒާރާއިން ވިދާޅުވެފައިވެއެވެ.