ދިރުންތައް ހިމާޔަތްކުރުމަށް ގުޅޭ މަޝްވަރާ ބައްދަލުވުމެއް ފަށައިފި

ދެކުނު އަރިއަތޮޅުގެ ދިރުންތަކާއި ގުދުރަތީ ވަސީލަތްތައް މެނޭޖުކުރުމާ ގުޅޭ މަޝްރޫއެއް އެކުލަވައިލުމަށްޓަކައި، މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާ އާއި ޔުނައިޓެޑް ނޭޝަންސް އެންވަޔަރަންމަންޓް ޕްރޮގްރާމް ޔޫ.އެން.އީ.ޕީ ގުޅިގެން އެ އަތޮޅުގެ ކަމާގުޅޭ ފަރާތްތަކާއެކު މަޝްވަރާތައް ފަށައިފިއެވެ. 

މިއީ "ގްލޯބަލް ބަޔޯޑައިވަރސިޓީ ފްރޭމްވޯކް ފަންޑް" އަށް ހުށަހެޅުމަށް ތައްޔާރުކުރާ ޕްރޮޕޯސަލް ފައިނަލް ކުރުމަށްޓަކައި ބާއްވާ ބައްދަލުވުންތަކެއް ކަމަށް ތިމާވެއްޓައި ބެހޭ ވުޒާރާއިން ބުނެއެވެ.

MoCCEE together with UNEP is conducting Stakeholder consultations in South Ari Atoll to prepare the project proposal on better management biodiversity resources in the atoll to submit to the Global Biodiversity Framework Fund is being carried out in South Ari Atoll from 20th to… pic.twitter.com/wG0TdDPqlX

— Min. of Climate Change, Environment and Energy, MV (@MoEnvmv) July 21, 2026

އެ ވުޒާރާއިން ބުނީ މި ސިލްސިލާ ބައްދަލުވުންތަކުގެ ތެރެއިން އަންގާރަ ދުވަހު ވަނީ މާމިގިލި، ފެންފުށި، ދިގުރަށް އަދި ދިއްދޫގެ ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިތުރުން އެ ރަށްރަށުގެ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކާ ބައްދަލުކޮށްފައި ކަމަށެވެ.

އަދި މި ބައްދަލުވުންތަކުގެ މައިގަނޑު މަގުސަދަކީ، ދެކުނު އަރިއަތޮޅުގެ ދިރުންތަކާއި ގުދުރަތީ ވަސީލަތްތައް ހިމާޔަތްކުރުމުގައި ކުރިމަތިވާ ގޮންޖެހުންތައް ދެނެގަތުންމެވެ. އަދި އެކަމުގައި ހުރި ފުރުސަތުތަކާ ގުޅޭގޮތުން މަޝްވަރާ ކުރެވިގެންދާނެ ކަމަސް ވެސް ވުޒާރާއިން ވިދާޅުވެއެވެ. 

މީގެ އިތުރުން، މި މަޝްރޫއުގެ ދަށުން ރަށު ފެންވަރުގަ އާއި އަތޮޅު ފެންވަރުގައި ކުރިއަށް ގެންދާނެ ހަރަކާތްތައް ކަނޑައެޅުމުގައި ރަށު ކައުންސިލްތަކާއި އާންމު ރައްޔިތުންގެ ބައިވެރިވުން އިތުރުކުރުމަށް ވެސް މަސައްކަތްކުރެވިގެންދާނެކަށް އެ ވުޒާރާއިން ބުނެއެވެ.

ވިޒާރާއިން އިތުރަށް ވިދާޅުވީ މި މަޝްރޫއު އެކުލަވައިލުމުގައި އިސްކަންދެނީ، ދެކުނު އަރިއަތޮޅުގެ މުއްސަނދި ތިމާވެށި ދެމެހެއްޓެނިވި ގޮތެއްގައި ބެލެހެއްޓުމަށާއި، ތިމާވެށި ހިމާޔަތްކުރުމުގެ މަސައްކަތުގައި މުޖުތަމައުގެ ދައުރު ފުޅާކުރުމަށް ކަމަށެވެ.