ވިލުންވެށި ގްރާންޓަށް ކުރިމަތިލުމުގެ ފުރުސަތު މިހާރު ހުޅުވާލައިފި

ވިލުންވެށި ގްރާންޓަށް ކުރިމަތިލުމުގެ ފުރުސަތު ހުޅުވާލައިފިއެވެ.

މިއީ، މޫސުމީ ބަދަލުތަކުން ތިމާވެއްޓަށް ކުރާ ނޭދެވޭ އަސަރުތަކަށް ވިލުންތެރިވުމަށާއި، ތިމާވެއްޓާއި ރައްޓެހި ދެމެހެއްޓެނިވި އުސޫލުތަކުން ކާނާގެ ޔަގީންކަން ކަށަވަރުކުރުމުގެ މަގްސަދުގައި މިދިޔަ ޖޫން މަހު އިފްތިތާހިކޮށްފައިވާ ޕްރޮގްރާމެކެވެ. 

މި ގްރާންޓުން، އަމިއްލަ ފަރާތްތަކާއި،  މެދު ފަންތީގެ ވިޔަފާރިތަކަށް  މާލީ އެހީތެރިކަން ފޯރުކޮށްދިނުމަށް ވަނީ ހަމަޖެހިފައެވެ. އަދި މަޝްރޫއުގެ ދަށުން މުޖުތަމައަށް ފައިދާހުރި، ދެމެހެއްޓެނިވި ގޮތެއްގައި ހިންގާ މަޝްރޫއުތަކަށް 100،000 ރުފިޔާއާ ހަމައަށް މާލީ އެހީތެރިކަން ފޯރުކޮށްދިނުމަށް ވަނީ ހަމަޖެހިފައެވެ.

މި ޕްރޮގްރާމްގެ މައިގަނޑު މަގްސަދަކީ  މޫސުމީ ބަދަލުތަކަށް ހޭނިފައިވާ އީޖާދީ  ހިޔާލުތައް އަމަލީ ގޮތުން  ތަންފީޒުކުރުމަށް ހުރި މާލީ ހުރަސްތައް ނައްތާލާ،  އަމިއްލަ ފަރުދުންގެ ގާބިލިއްޔަތު އިތުރުކޮށް،  ރާއްޖޭގައި ކާނާގެ ރައްކާތެރިކަން ކަށަވަރުކޮށްދިނުމެވެ.

ރާއްޖެ ފަދަ ނާޒުކު ތިމާވެއްޓެއް އޮންނަ  އޮންނަ ގައުމެއްގައި އަމިއްލަ މަސައްކަތުން ކާނާ އުފައްދައި، ތިމާވެއްޓާ ރައްޓެހި އުސޫލުތައް ކުރިއެރުވުމަކީ އަދުގެ ސަރުކާރުން ނުހަނު އިސްކަމެއްދެއްވާ ކަމެކެވެ. 

Applications for VilunVeshi Grant now open!

Supporting individuals and sole proprietors with microgrants to bring innovative and impactful projects to life.

Apply via https://t.co/8LWN5M1QZw pic.twitter.com/Ti8KCiv6QD

— SME Digital (@SMEdigital_mv) August 1, 2026

"ވިލުންވެށި ގްރާންޓް ޕްރޮގްރާމް" އަކީ އޭޝިއަން ޑިވެލޮޕްމަންޓް ބޭންކް (އޭޑީބީ) ގެ މާލީ އެހީތެރިކަމާއެކު، މޫސުމީ ބަދަލުތަކާއި ތިމާވެއްޓާއި ހަކަތައާއި ބެހޭ ވުޒާރާއާއި، އެސްއެމްއީ ޑިޖިޓަލް ގުޅިގެން ކުރިއަށްގެންދާ މަޝްރޫއެކެވެ. އަދި މި ގްރާންޓުގެ ދަށުން، މޫސުމަށް އަންނަ ބަދަލުތަކާ ގުޅޭ ދަނޑުވެރިކަމާއި ކާނާގެ ރައްކާތެރިކަން ކަށަވަރުކުރުމުގެ އިތުރުން، ޑިޖިޓަލް އަދި ތިމާވެއްޓާ ރައްޓެހި އައު އީޖާދުތަކަށް މާލީ އެހީތެރިކަން ފޯރުކޮށްދިނުމަށް ވަނީ ހަމަޖެހިފައެވެ. އަދި އުފެއްދުންތެރިކަން އިތުރުކުރުމާއި، އުފެއްދުންތައް ބާޒާރަށް ނެރުމާއި މާކެޓްކުރުމުގެ އައު ގޮތްތައް ތައާރަފުކުރުމަށް ހިންގާ މަސައްކަތްތަކަށް ވެސް މި ގްރާންޓުގެ އެހީ ލިބޭނެއެވެ.

ރާއްޖޭގެ އިގްތިސާދީ ތަރައްގީގައި  އަމިއްލަ ފަރާތްތަކާއި،  ކުދި ވިޔަފާރިތަކުގެ ބައިވެރިވުން އިތުރު ކުރުމަށް އަދުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ގިނަ މަސައްކަތްތަކެއް ކުރައްވަމުންދާއިރު، މިއީ އެ މަސައްކަތްތަކުގެ ތެރެއިން އިފްތިތާހުވެގެން ދިޔަ މުހިންމު ޕްރޮގްރާމެކެވެ.