ޕީއެންސީގެ ޔޫތު ވިންގުގެ ނައިބު ރައީސްކަމަށް ޔައިޝް ކުރިމަތިލައްވައިފި

ސަރުކާރު ހިންގާ މައި ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ޔޫތު ވިންގުގެ ނައިބު ރައީސްގެ މަގާމަށް މުހައްމަދު ޔައިޝް ކުރިމަތިލެއްވުމަށް ނިންމަވައި، އެކަން ރަސްމީކޮށް އިއުލާން ކުރައްވައިފިއެވެ.

ޔައިޝް މިކަން ހާމަކުރެއްވީ ސޯޝަލް  މީޑިއާ މެދުވެރިކޮށް ކުރެއްވި ޕޯސްޓެއްގައެވެ. ޔައިޝްވަނީ ކޮންގްރެސް ޕާޓީގެ ޔޫތު ވިންގުގެ ނައިބު ރައީސްގެ މަގާމަށް ކުރިމަތިލެއްވުމަށް ނިންމަވައި، އެކަމުގައި ޕާޓީގެ މަތީ މަޖިލީހުގެ މެންބަރުންގެ އިހުލާސްތެރި ތާއީދަށް އެދިވަޑައިގެންފައެވެ.

ޔައިޝްއަކީ މިވަގުތުވެސް ޕީއެންސީގެ ޔޫތް ވިންގުގައި އިސްކޮށް މަސައްކަތް ކުރައްވަމުންދާ ހީވާގި މެންބަރެކެވެ.

ރާއްޖޭގެ ސިޔާސީ ޕާޓީތަކުގެ އަސާސީ ގަވާއިދުތައް ބައްޓަންކުރެވިފައިވާ ގޮތުން، ޕާޓީގެ ޔޫތު ވިންގަކީ ޒުވާނުން ސިޔާސީ ހަރަކާތްތަކުގައި ބައިވެރިކުރުވައި، ޒުވާނުންގެ ކަންބޮޑުވުންތަކާއި ހިޔާލުތައް ސަރުކާރާއި ޕާޓީގެ ލީޑަރޝިޕަށް ފޯރުކޮށްދިނުމަށް އުފައްދާފައިވާ ވަރަށް މުހިއްމު ގޮތްޕެކެވެ.

 ޕީއެންސީގެ އަސާސީ ގަވާއިދު ބުނާގޮތުން، ޕާޓީގެ ގޮފިތަކާއި ވިންގުތަކުގެ އިސް މަގާމުތަކަށް ބޭފުޅުން އިންތިހާބުކުރުމުގެ ބާރު ލިބިގެންވަނީ ޕާޓީގެ މަތީ މަޖިލީހަށެވެ. އެހެންކަމުން ޔޫތު ވިންގުގެ ރައީސް އަދި ނައިބު ރައީސްކަމަށް ވާދަކުރައްވާ ކެންޑިޑޭޓުންގެ ކެމްޕޭން މިހާރު އަމާޒުކުރަމުންދަނީ ސެނެޓު މެންބަރުންގެ ތާއީދު ހޯއްދެވުމަށެވެ.

މި އިންތިހާބަކީ ޕީއެންސީގެ އެތެރޭގެ ހިންގުން ހަރުދަނާކޮށް، ކުރިއަށް އޮތް ތަނުގައި ޒުވާނުންގެ ބައިވެރިވުން އިތުރުކުރުމަށް އެޅޭ މުހިއްމު ފިޔަވަޅެކެވެ.