ޕޯސްޓްމޯޓަމް ފެސިލިޓީ ހަދަން އައި.ޖީ.އެމް.އެޗް އަށް ޖާގަ ހަމަޖައްސައިފި

ރާއްޖޭގައި މަރުގެ މައްސަލަތައް ތަހުގީގު ކުރުމަށް ބޭނުންވާ ޕޯސްޓްމޯޓަމް ހެދުމުގެ ޚިދުމަތް ފެށުމަށްޓަކައި، ހުޅުމާލޭ ސަހަރާ ހުރި ބިމުން އައި.ޖީ.އެމް.އެޗް އަށް ޖާގަ ހަމަޖައްސައިފިއެވެ.

މާލެ ސިޓީ ގްރޫޕް އޮފް ހޮސްޕިޓަލްސްގެ ސީ.އީ.އޯ އިބްރާހިމް ހަލީމް "ފަރުދުން" ނޫހަށްމިކަންވަނީ ކަށަވަރުކޮށްދެއްވާފައެވެ.

މަރުގެ އެކި ތަހުގީގުތަކަށް ބޭނުންވާ ޕޯސްޓްމޯޓަމް ފުލުހުން ހަދާނީ މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އާއި އައި.ޖީ.އެމް.އެޗް ގުޅިގެންނެވެ. މި މަސައްކަތަށް ބޭނުންވާ ބިން ހުޅުމާލޭ ސަހަރާ ސަރަހައްދުން ހަމަޖައްސައިދީފައިވާކަން ހައުސިންގ ޑިވެލޮޕްމަންޓް ކޯޕަރޭޝަން (އެޗް.ޑީ.ސީ) އިން މިހާރު ވަނީ އަންގާފައެވެ.

ޕޯސްޓްމޯޓަމް ހެދުމަކީ މެޑިކަލް ސްޕެޝަލިޓީގެ ތެރޭގައި ހިމެނޭ ޕެތޮލޮޖިސްޓުންގެ ޒިންމާއެކެވެ. މިވަގުތު ރާއްޖޭގައި މި ދާއިރާއިން ތައުލީމު ހާސިލްކުރައްވައިގެން ހުންނެވި ހަމައެކަނި ޑޮކްޓަރަކީ ފުލުހުންގެ ފޮރެންސިކްގައި މަސައްކަތްކުރައްވާ ޑރ. ހަސަން އުމަރެވެ.

ހަލީމް ވިދާޅުވި ގޮތުގައި، އަލަށް ގާއިމްކުރާ ސެންޓަރުގައި ހަމައެކަނި ހަށިގަނޑު ފަޅާލައިގެން ކުރާ ތަހުގީގުތަކުގެ އިތުރުން، އެކަމަށް ބޭނުންވާ ސީ.ޓީ ސްކޭން ފަދަ ޒަމާނީ ވަސީލަތްތައް ވެސް ގާއިމްކުރެވޭނެއެވެ.

މި ސެންޓާ ގާއިމްކުރަން ކުރަންޖެހޭ ކުރެހުމާއި މި ހުރިހާ ކަމެއް ގާތްގަނޑަކަށް ނިމިއްޖެ. މިތަން ހަދަނީ ހަމައެކަނި ޕޯސްޓްމޯޓަމްއަށް އެކަނި ފޯކަސްކޮށްގެންނެއް ނޫން. މަރުވާ މީހަކު ތަހުގީގުކުރަންޖެހޭއިރު ކުރަންޖެހޭ، ބޭނުންވާ ހުރިހާ ވަސީލަތްތަކާއެކު،

      ހަލީމް 

ހަލީމް އިތުރަށް ވިދާޅުވީ، މަރުވާ ކޮންމެ މީހަކީ އެންމެ ރަނގަޅު ހާލަތުގައި އޮންނަ މީހަކަށް ނުވެދާނެ ކަމަށާއި، ފިހިގެން ނުވަތަ އެކި ހާލަތްތަކުގައި މަރުވެގެން ގެންނަ މީހުން ހޮސްޕިޓަލުގެ ތެރެއަށް ނުގެނެސް، އެ ތަނުން ސްކޭންތަކާއި ޑައިގްނޯސްޓިކް ހެދިގެން މަރުގެ ސަބަބު ދެނެގަނެވޭނެ އިންތިޒާމު ހަމަޖެހިގެންދާނެ ކަމަށެވެ.

މިހާރު ރާއްޖޭގައި މި ޚިދުމަތް ދެވޭނެ ފެސިލިޓީއެއް ނެތުމުގެ ސަބަބުން، މަރުގެ ސަބަބު ދެނެގަތުމަށްޓަކައި ހަށިގަނޑު ފޮނުވަން ޖެހެނީ ރާއްޖޭން ބޭރަށެވެ. މީގެ ސަބަބުން ދައުލަތުން ބޮޑު ހޭދައެއް ކުރަންޖެހެއެވެ.

ރައްޔިތުންގެ މަޖިލީހުގެ މިދިޔަ މަހުގެ ޖަލްސާއެއްގައި ހެލްތު މިނިސްޓަރު ޢަބްދުﷲ ނާޒިމް އިބްރާހިމް (ނުވަތަ މިނިސްޓްރީގެ އިސް ބޭފުޅަކު) ހާމަކުރެއްވި ގޮތުގައި، ފާއިތުވި 10 އަހަރުގެ ތެރޭގައި އޮޓޮޕްސީ ހެދުމަށް 23 މީހެއްގެ ހަށިގަނޑު ރާއްޖޭން ބޭރަށް ފޮނުވާފައިވެއެވެ. މި ކޮންމެ ޕްރޮސީޖާއަކަށް މަދުވެގެން 55،000 ރުފިޔާ ހަރަދުވާ އިރު، ޖުމްލަ 1.2 މިލިއަން ރުފިޔާ މިކަމަށް ވަނީ ހޭދަވެފައެވެ.