ސަރުކާރުން އިސްލާމިކް މިނިސްޓްރީގެ މަސްއޫލިއްޔަތު ވަރަށް ބޮޑަށް ފުޅާކޮށްފި: ވަޒީރު ޑރ.ޝަހީމް

ސަރުކާރުން އިސްލާމިކް މިނިސްޓްރީގެ މަސްއޫލިއްޔަތު ވަރަށް ބޮޑަށް ފުޅާކޮށްފައިވާކަން، އިސްލާމީކަންތައްތަކާއި އައުޤާފާ ބެހޭ ވަޒީރު، ޑޮކްޓަރ މުޙައްމަދު ޝަހީމް ޢަލީ ސަޢީދު ފާހަގަކުރައްވައިފިއެވެ. 

ވަޒީރު މިކަން ފާހަގަކުރެއްވީ މިއަދުގެ ރައްޔިތުންގެ މަޖިލީހުގައި، ހުޅުދޫ ދާއިރާގެ މެންބަރު މުޙައްމަދު ޝާހިދު ކުރެއްވި ސުވާލަކަށް ޖަވާބުދެއްވަމުންނެވެ.

ވަޒީރު ވަނީ ރާއްޖޭގެ އިސްލާމީ ކަންތައްތަކާ ބެހޭ ވުޒާރާގެ މުހިންމުކަން ފާހަގަކުރައްވާ، އެއީ ރާއްޖޭގެ އިސްލާމީ ޝަހުސިއްޔަތު ދެމެހެއްޓުމަށް މުހިންމު ދައުރެއް އަދާކުރާ ވުޒާރާއެއްކަމަށް ވިދާޅުވެފައެވެ. 

އަދި އެ ވުޒާރާއަކީ ހަމައެކަނި ޚުޠުބާ ލިޔާ ތަނެއްގެ އެކަނި ނޫން ކަމަށާއި، ވުޒާރާގެ ދަށުން ހައްޖާއި އުމްރާގެ ކަންކަމާއި، ޒާކާތާއި ބެހޭ ކަންކަން ހިންގާ ބެލެހެއްޓުމާއި، މިސްކިތްތަކާއި އިސްލާމީ މަރުކަޒުތައް ބިނާކުރުމުގެ ކަންކަން ވެސް ހިންގާކަން ވަޒީރު ފާހަގަކުރެއްވިއެވެ. 

"މި ހުރިހާ ކަމެއް ހިމެނިގެން، އިސްލާމީ ކަންތައްތަކާ ބެހޭ ވުޒާރާގެ މަސްއޫލިއްޔަތު މިހާރު ވަނީ، މި ސަރުކާރު އައި ފަހުން ވަރަށް ބޮޑަށް ތަރައްގީކުރެވިފަ."

ވަޒީރު، ޑޮކްޓަރ މުޙައްމަދު ޝަހީމް ޢަލީ ސަޢީދު ވިދާޅުވިއެވެ. 

އަދި މަޖިލީހުން ހަވާލުކޮށްފައިވާ މުހިންމު މަސްއޫލިއްޔަތުތައް ވެސް އަދާކުރަމުންދާކަން ވަޒީރު ފާހަގަކުރެއްވިއެވެ.

ރާއްޖޭގައި ޒުވާން ޙާޠިބުންނާއި ހާފިޒުން ވަރަށް ބޮޑަށް އިތުރުވަމުންދާކަން ފާހަގަކުރައްވާ ވަޒީރު ވަނީ، މިއީ މީގެކުރިން ރާއްޖެއިން ފެނިގެންގޮސްފައިވާ ކަމެއް ނޫންކަމަށް ވިދާޅުވެފައެވެ. ހާފިޒުން ދަސްވެނިވުމުގެ ހަފްލާއެއް މީގެ ކުރިން ބޭއްވިފައި ނުވާ ކަމަށާއި، 700 އަށް ވުރެ ގިނަ ޒުވާން ޚަޠީބުން މިހާރު ވަނީ ތަމްރީނުކުރެވިފައި ކަމަށް ވަޒީރު ވިދާޅުވިއެވެ.  

މިއީ މިއަދުގެ ޒުވާން ޖީލަކީ މުސްތަގުބަލުގައި ރާއްޖޭގެ އިސްލާމީ ޝަހުސިއްޔަތު ދަމަހައްޓާނޭ ބަޔަކަށް ހެދުމަށް ކުރެވިގެންދާ މުހިންމު މަސައްކަތެއްކަން ވަޒީރު ފާހަގަކުރެއްވިއެވެ.