Ads by Exprox

ޚަބަރު

ރައީސް މުޢިއްޒު ވެރިކަމަށް ވަޑައިގެން ކުރެއްވި މަސައްކަތުން ރާއްޖެ ބަނގުރޫޓުވުމުގެ ބިރުން ސަލާމަތްވެއްޖެ: ވަޒީރު ޒަމީރު

ރައީސް މުޢިއްޒު ވެރިކަމަށް ވަޑައިގެން ކުރެއްވި މަސައްކަތުން ރާއްޖެ ބަނގުރޫޓުވުމުގެ ބިރުން ސަލާމަތްވެއްޖެ: ވަޒީރު ޒަމީރު

މާލީ ވަޒީރު މޫސާ ޒަމީރު މަޖިލީހުގައި. ފޮޓޯ: މަޖިލިސް

ޙަސްނާ އަޙްމަދް

ޙަސްނާ އަޙްމަދް

03 ޑިސެމްބަރު 2024، 09:09

03 ޑިސެމްބަރު 2024، 09:09

ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވެރިކަަމަށް ވަޑައިގެން ކުރެއްވި މަސައްކަތުން ރާއްޖެ ބަނގުރޫޓުވުމުގެ ބިރުން ސަލާމަތްވެފައިވާ ކަމަށް މާލީ ވަޒީރު މޫސާ ޒަމީރު ވިދާޅުވެއްޖެއެވެ. 

މާލީ ވަޒީރު ޒަމީރު މިހެން ވިދާޅުވީ މިއަދު އެމަނިކުފާނު މަޖިލީހަށް ހާޒިރުކޮށް މެމްބަރަކު ކުރެއްވި ސުވާލަށް ޖަވާބުދެއްވައި ދެއްކެެވި ވާހަކަފުޅުގައެވެ. 

މަޖިލީހުގެ ތަޅުމުގައި ފޭދޫ ދެކުނު ދާއިރާގެ މެމްބަރު އިބްރާހިމް ދީދީ ވަނީ ރައީސް މުޢިއްޒު ވެރިކަމާ ހަވާލުވެވަޑައިގެންނެވި އިރު، ދައުލަތުގެ ދަރަނީގެ ގޮތުގައި އޮތީ ކިހާވަރެއްތޯއާއި، ދައުލަތުގެ އާމްދަނީގެ ކިހާ އިންސައްތައެއްތޯ ސުވާލު ކުރައްވާފައެވެ.

މެމްބަރު އިބްރާހިމް ދީދީގެ ސުވާލަށް ޖަވާބުދެއްވަމުން ވަޒީރު ޒަމީރު ވިދާޅުވީ ރައީސް މުޢިއްޒު ވެރިކަމާ ހަވާލުވިއިރު ރާއްޖޭގެ ޖުމްލަ ދަރަނީގެ ގޮތުގައި 124 ބިލިއަން ރުފިޔާ އޮތް ކަމަށާއި، އެ ދަރަނީގެ ގާތްގަނޑަކަށް ދެބައިކުޅަ އެއްބަޔަކީ ނިމިދިޔަ އެމްޑީޕީ ސަރުކާރުން އުފެއްދި ދަރަނިކަމުގައެވެ. 

ވަޒީރު ޒަމީރުގެ ވާހަކަފުޅުގައި ވިދާޅުވީ މިކަންކަމަށް ބަލައި އަންނަ އަހަރުގެ ބަޖެޓު ފަރުމާކޮށްފައި ވަނީ ރައްޔިތުންނަށް ދޭން ޖެހޭ ހުރިހާ ޚިދުމަތެއް ހިމަނައިގެން ކަމަށެވެ.

މީގެއިތުރުން ޑިއުވާ ހުރިހާ ދަރަންޏެއް ދައްކަން އުޅެ އަދި ރައްޔިތުންނަށް ޚިދުމަތް ނުދީ މަސައްކަތްކޮށްފި ނަމަ، އައިއެމްއެފްގެ ރިޕޯޓްގައި އޮތް ގޮތަށް ރާއްޖެ ބަނގުރޫޓް ވާނެ ކަމަށާއި އެހެން ނަމަވެސް، ރައީސް މުޢިއްޒު ވެރިކަމާ ހަވާލުވެވަޑައިގެން ކުރެވުނު މަސައްކުގެ ތެރެއިން، ރާއްޖެ ބަނގުރޫޓް ވުމުގެ ބިރުން ސަލާމަތްވެފައިވާ ކަމަށެވެ.

ބައިނަލްއަޤުވާމީ މާލީ އިދާރާތަކުން މީގެ ކުރިން ރާއްޖެ ބަނގުރޫޓު ވެދާނެކަމުގެ ބަސްތައް ބޭނުން ކުރަމުން ދިޔަކަމަށެވެ. ނަމަަވެސް މިހާރު އެ ރިޕޯޓުތަކުގައި އެވާހަކަ ނުހުންނަކަމަށް މާލީ ވަޒީރު މޫސާ ޒަމީރު މިއަދު މަޖިލީހުގައި ވިދާޅުވެފައިވެއެވެ. 

 

 

 

މި ލިޔުން ކިޔާލުމުން

Ads by MSS