އެމެރިކާގެ މިނިވަންދުވަހުގެ ހަފްލާ ޚާރިޖީ ވަޒީރު ޝަރަފުވެރިކޮށްދެއްވައިފި

އެމެރިކާގެ މިނިވަންކަމަށް 250 އަހަރު ފުރުން ފާހަގަކުރުމަށް ރާއްޖޭގައި ހުންނަ އެމެރިކާގެ އެމްބަސީން ބޭއްވި ޚާއްޞަ ޙަފްލާ، ދިވެހިރާއްޖޭގެ ޚާރިޖީ ވަޒީރު އިރުތިޝާމް އާދަމް ޝަރަފުވެރިކޮށްދެއްވައިފިއެވެ.

މި ތާރީޚީ މުނާސަބަތާ ގުޅިގެން ބޭއްވި ހަފްލާގައި ވާހަކަފުޅު ދައްކަވަމުން، ޚާރިޖީ ވަޒީރު ވަނީ އެމެރިކާގެ ސަރުކާރަށާއި ރައްޔިތުންނަށް ދުވަހުގެ ހެޔޮއެދުމާއި ތަހުނިޔާ ފޮނުއްވާފައެވެ. 

މި ޙަފްލާއަށްފަހު ވަޒީރު ކުރެއްވި ސޯޝަލް މީޑިއާ ޕޯސްޓެއްގައި ވިދާޅުވީ، އެމެރިކާގެ މިނިވަންކަމަށް 250 އަހަރު ފުރުމުގެ އުފަލުގައި ބޭއްވި މި ހަފްލާ ޝަރަފުވެރިކޮށްދެއްވުމަކީ ލިބިވަޑައިގެންނެވި ވަރަށް ބޮޑު ޝަރަފެއް ކަމަށެވެ.

🌍Honoured to attend the reception hosted by the U.S. Embassy to commemorate the 250th Anniversary of the Independence of the United States.

This year also marks the 60th anniversary of diplomatic relations between the Maldives and the United States, reflecting six decades of… pic.twitter.com/hDMnPNm5GX

— Iruthisham Adam ( Iru) (@IruthishamAdam) August 10, 2026

ވަޒީރު އިތުރަށް ފާހަގަކުރެއްވި ގޮތުގައި، މި އަހަރަކީ ދިވެހިރާއްޖެ އާއި އެމެރިކާއާ ދެމެދު ސިޔާސީ ގުޅުން ގާއިމުކުރިތާ 60 އަހަރު ފުރޭ އަހަރެވެ. މިއީ ފާއިތުވި ފަސްދޮޅަސް އަހަރުދުވަހުގެ ތެރޭގައި ދެ ގައުމުގެ ދެމެދުގައި އޮތް އެކުވެރިކަމާއި، އިހުތިރާމާއި، އަދި ގުޅިގެން މަސައްކަތްކުރަމުންދާކަން ރަމްޒުކޮށްދޭ މުހިންމު ކަމެއްކަމަށް އެކަމަނާ ފާހަގަކުރެއްވިއެވެ.

މި ހަފްލާގައި އެމެރިކާ އެމްބަސީގެ އިސްވެރިންނާއި، ސަރުކާރުގެ އިސް ބައެއް ބޭފުޅުން ބައިވެރިވެވަޑައިގެންނެވިއެވެ. މި ބައްދަލުވުމުގެ ސަބަބުން ދެ ގައުމުގެ ދެމެދުގައި އޮތް ޒަމާންވީ ގުޅުން އިތުރަށް ބަދަހިވެގެންދާނެ ކަމަށް ބެލެވެއެވެ.