އއ. އުކުޅަހު ޕޮލިސް ސްޓޭޝަން އިމާރާތްކުރުމުގެ މަސައްކަތް ބާރަށް ކުރިއަށްދަނީ

އއ. އުކުޅަހުގައި އިމާރާތްކުރަމުންދާ ޕޮލިސް ސްޓޭޝަނުގެ އެތެރޭގެ ފާރުތަކުގައި ސިމެންތި ޖެހުމުގެ 75 އިންސައްތަ މަސައްކަތް ނިމި، މަޝްރޫޢުގެ މަސައްކަތް ބާރުދުވެލީގައި ކުރިއަށްދާކަން ހާމަކޮށްފިއެވެ.

މި މަޝްރޫޢަކީ ރާއްޖޭގެ ގާނޫނު ތަންފީޒުކުރާ އިދާރާތަކުގެ އުމްރާނީ ވަސީލަތްތައް ހަރުދަނާކުރުމަށް މުޅި ރާއްޖެއަށް ހުޅުވާލައިގެން ކުރިއަށްގެންދާ މަޝްރޫޢެކެވެ.

މިހާރު ކުރިއަށްދާ މަސައްކަތްތަކަށް ބަލާއިރު، އިމާރާތުގެ އެތެރޭގެ ފާރުތައް ޕްލާސްޓަރު ކުރުމުގެ މަސައްކަތް ނިމުމަކާ ގާތްވެފައިވާއިރު، ދެން އެންމެ އަވަހަށް ފެށުމަށް ހަމަޖެހިފައިވަނީ ފުރާޅުގައި ޓިނު ހަރުކުރުމުގެ މަސައްކަތެވެ. މި މަސައްކަތް ފެށުމަށްޓަކައި ވާންޖެހޭ ތައްޔާރީތައް މިހާރު ދަނީ ވަމުންނެވެ.

އުކުޅަހު ޕޮލިސް ސްޓޭޝަން އިމާރާތްކުރުމުގެ މަސައްކަތް ކުރަމުންދަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިންނެވެ. މިއީ ފުލުހުންގެ އުމްރާނީ ވަސީލަތްތައް ތަރައްގީކުރުމަށް މޯލްޑިވްސް ޕޮލިސް ސާވިސްއާއެކު އެމްޓީސީސީން ސޮއިކޮށްފައިވާ ފަހުމުނާމާ (އެމްއޯޔޫ) އެއްގެ ދަށުން ކުރިއަށްދާ މަޝްރޫއެކެވެ. މި އެއްބަސްވުމުގެ ދަށުން ރާއްޖޭގެ އެކި ރަށްތަކުގައި 5 ފުލުސް ސްޓޭޝަނާއި 10 ޕޮލިސް ޕޯސްޓް ގާއިމުކުރުމަށް ވަނީ ހަމަޖެހިފައެވެ.

Project Update: Development of Police Station in AA.Ukulhas

Internal walls plastering works are ongoing at the site with 75% completion. Preparations are underway to begin roofing sheet laying.

Follow more updates at: https://t.co/SfVAzkW2pp#MTCCProjects #TeamMTCC… pic.twitter.com/4aTweGLZRg

— MTCC Plc (@MTCCPlc) August 11, 2026

މި މަޝްރޫޢުގެ ބިންގާ ރަސްމީކޮށް އަޅުއްވައިދެއްވީ 2025 ވަނަ އަހަރުގެ އޯގަސްޓް މަހު، މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ ޢަލީ އިޙްސާން އެވެ.

މި ޕޮލިސް ސްޓޭޝަން އިމާރާތްކޮށް ނިމުމުން، ތަހުގީގު ކުރާ ކޮޓަރިތަކާއި، އިންޓެލިޖެންސް މަސައްކަތްތަކަށް ހާއްސަ ބައިތަކުގެ އިތުރުން، ބަންދު މީހުން ބައިތިއްބާ ގޮޅިތައް (ކަސްޓޯޑިއަލް ސެލް) ވެސް މި އިމާރާތުގައި ގާއިމުކުރެވިގެންދާނެއެވެ. މި ވަސީލަތްތަކާއެކު އުކުޅަހުގައި ފުލުހުންގެ ހިދުމަތް އިތުރަށް ފުޅާވެ، ހަރުދަނާވެގެންދާނެއެވެ.